web counter
LEXO PA REKLAMA!

SHKARKO APP

App Store
Google Play

“Porositës i vrasjes së opozitës”/ Berisha përforcon akuzat ndaj Ramës

2023-02-14 13:20:00, Politikë CNA

“Porositës i vrasjes së opozitës”/ Berisha

Kreu i PD-së, Sali Berisha vijon me akuzat ndaj kryeministrit Edi Rama ne lidhje me çështjen McGonigal.

Sipas tij McGonigal, që vazhdon të jetë kryefjalë e medieve botërore, është në burg, kurse porositësi i vrasjes me pagesë të opozitës shqiptare, është në pushtet.

“Cilido që mendon se ky porositës i krimit më të shëmtuar ndaj demokracisë dhe pluralizmit, asgjësimit të pluralizmit de facto, largohet me votën e lirë, gabon. Është iluziv, gënjen veten. Kjo është e vërteta.

Ky porositës i vrasjes së opozitës largohet vetëm me revolucion.

Sepse, Shqipëria, një vend anëtar i NATO-s, ka degraduar në shkallën më ekstreme. Në Europë është narkoshteti i parë dhe i vetëm. Do të thotë se vendos mafia e drogës.

Shqipëria është vendi i qytetarëve, që vidhen në mënyrën më monstruoze. 4.5 milionë euro po ndërtohet autostrada Kakavijë-Janinë, 22 milionë euro po ndërtohet autostrada Limuth-Rrogozhinë. A munden shqiptarët të pranojnë një gjë të tillë?

Marrim vetëm këto krahasime.

Kurse rrugët anësore të autostradës Lekaj-Tepelenë shkojnë 7.1 milionë dollarë për kilometër. 320 milionë së bashku”, është shprehur Berisha./CNA.al





Lajmet e fundit nga