web counter
LEXO PA REKLAMA!

SHKARKO APP

App Store
Google Play

E fundit!

x

Video-Kontrabanda e naftës/ Si tentuan ministrat e Ramës të mohojnë skandalin

2022-09-07 18:30:00, Politikë CNA
Video-Kontrabanda e naftës/ Si tentuan ministrat e Ramës të
Foto ilustruese

Deputeti demokrat, Dashnor Sula, ka ngritur shqetësimin në lidhje me kontrabandën e naftës.

Me anë të një postimi në rrjetet sociale, Sula thekson se për çdo sasi nafte të kapur, dhjetë të tjera arrijnë të kalojnë.

Ai shtoi se ministrat e qeverisë së kryeministrit Rama u munduan ta mohonin një skandal të tillë.

Postimi i plotë:

Tjetër sasi nafte kontrabandë e kapur!

Pas denoncimit që bëra me fakte dhe prova zyrtare se ka dyshime të konsiderueshme për importin e naftës kontrabandë, autoritetet e rendit kanë sekuestruar dy sasi të mëdha nafte në tentativë për tu perdorur pa iu nënshtruar detyrimeve doganore dhe taksave. Siç thonë raportet ndërkombëtare, koeficenti i kapjeve është 1 me dhjetë.

1 sasi kapet, 10 arrijnë të kalojnë.

Ministrat e qeverisë së kryeministrit Rama u munduan ta mohonin një skandal të tillë. Ministrja Ibrahimaj llogariti edhe sasinë e naftës që kalon tranzit në Shqipëri për të shkuar në Kosovë dhe Maqedoninë e Veriut për të rrëzuar denoncimin tim.

Por gënjeshtrat i kanë këmbët e shkurtra dhe e vërteta doli se në Shqipëri hyn masivisht naftë kontrabandë.

25 ton është sekuestruar vetëm sot./CNA.al





Lajmet e fundit nga