web counter
LEXO PA REKLAMA!

SHKARKO APP

App Store
Google Play

“Veliaj e meritonte, nuk ka diksutim”/ Berisha: Grupi Xhafaj është grupi armiqësor

2025-04-01 19:50:00, Politikë CNA

“Veliaj e meritonte, nuk ka diksutim”/ Berisha: Grupi Xhafaj

Kryetari i Partisë Demokratike në një mbledhje me drejtuesit e qarqeve dhe me kryetarët e degëve ka folur për arrestimin e Erion Veliajt. Berisha tha se Veliaj e meritonte, nuk ka asnjë diskutim.

Më tej Berisha deklaroi se “grupi” Xhafaj është shpallur grup armiqësor në Partinë Socialiste, pasi kjo parti mbi këto koncepte ecën tha Berisha. Kryedemokrati tha se në garë është bota e krimit dhe detyra e PD është të ndërgjegjësojë qytetarët.

“Ramën e njohin si njeriun më të pabesë, që i hedh një nga një bashkëpunëtorët e tij dhe kjo është e vërtetë. Erion Veliaj e meritonte, ua them unë 100 për qind atë, nuk ka asnjë diskutim. Grupi Xhafaj është grupi armiqësor. Po, haptas. Është grupi armiqësor. Se këta në këto koncepte ecin. Po kjo situatë është kudo, në të gjitha qarqet.

Në garë është bota e krimit. Ndaj dhe misioni ynë bëhet çdo ditë e më i rëndësishëm. Secili nga ne duhet ta ketë të qartë se fitorja buron nga ndërgjegjësimi i qytetarëve. Aftësia jonë për të ndërgjegjësuar qytetarët për programin që paraqesim para shqiptarëve është vendimtare. Dhe unë u them juve që ky është programi më i mirë që është hartuar ndonjëherë për shqiptarët dhe për Shqipërinë. Fitorja kalon në fuqinë tonë organizative. Fuqinë organizative të fushatës, fuqinë organizative të ditës së votimit, të qendrës së votimi”, tha Berisha./ CNA





Lajmet e fundit nga