web counter
LEXO PA REKLAMA!

SHKARKO APP

App Store
Google Play

Si Fatos Nano la në pritje 350 persona se u vonua në kazino/ Fatos Tarifa tregon momentet e sikletshme

2023-04-08 14:04:00, Politikë CNA
Si Fatos Nano la në pritje 350 persona se u vonua në kazino/ Fatos
Ish-ambasadori i Shqipërisë në SHBA, Fatos Tarifa

Ish-ambasadori i Shqipërisë në SHBA, Fatos Tarifa, ka rrëfyer disa episode me Fatos Nanon në SHBA, gjatë kohës kur ky i fundit ka qenë kryeministër.

Teksa foli për librin e tij “Afrimi i madh”, Tarifa tha se ka kaluar disa momente të sikletshme për shkak të Nanos.

Njëri prej tyre, diplomati tha se ishte koha kur Nano shkoi me vonesë në një takim që do të mbante me studentë shqiptarë në Universitetin e Massachusetts. 

Sipas tij, ish-kryeministri kishte luajtur gjatë gjithë natës në kazino dhe të nesërmen la në pritje 350 shqiptarë.

“Prisnim që Nano të vinte në Boston që t’u fliste shqiptarëve në Universitetin e Massachusetts. Erdhi të nesërmen në mëngjes me vonesë ku e prisnin 350 shqiptarë në një sallë, sepse kishte qenë tërë natën në kazino. Kjo bëri që të reagonin keq disa studentë shqiptarë të Bostonit", u shpreh ai në emisionin e Mustafa Nanos.

Një tjetër episod i sikletshëm, Tarifa tregoi se ishte momenti kur Nano përdori termin “negër” para kongresmenëve amerikanë, duke iu referuar njerëzve me ngjyrë.

"Ndër kryeministrat, Nano ishte ai me të cilin kishe dëshirë të uleshe, zhvillonte bisedë të artikuluar, por edhe ai kishte huqet e veta. 

Një rast kryeministri Nano në një darkë me 10 kongresmenë përdori fjalën ‘negër’ në formë shakaje. Unë u shqetësova duke ditur sa diskriminuese ishte ajo fjalë. 

Përgjithësisht përdoret afro-amerikan ose black. Edhe pse i thanë mos e përdor dhe fytyrat e tyre ndryshuan, ai e përsëriti për herë të dytë. Nuk e di përse e bëri”, theksoi ish-ambasadori./ CNA.al





Lajmet e fundit nga