web counter
LEXO PA REKLAMA!

SHKARKO APP

App Store
Google Play

Shënim/ Si Rama po bashkon opozitën e përçarë

2023-02-02 16:24:00, Politikë CNA
Shënim/ Si Rama po bashkon opozitën e përçarë
Kryeministri Edi Rama

Kryeministri Edi Rama po përdor skandalin McGonigal për të treguar se opozita është një, por edhe për të mbajtur në lojë Enkelejd Alibeajn dhe veglat e tij brenda Partisë Demokratike.

Sot, Rama nuk ka shkuar në Kuvend, nuk ka pranuar interpelancën. Ka lënë ministren e tij Elisa Spiropalin dhe Taulant Ballën të merren me demokratët.

Për çështjen McGonigal, përdori dhe televizionin kombëtar “Top Channel”, nëpërmjet një fotoje abuzive si justifikm se ish-drejtori kundër zbulimit i kishte takuar të gjithë megjithëse gjithë të tjerët ishin pa pushtet dhe pa financa, ndërsa kryeministri është në detyrë bashkë me ministrat e tij dhe qeverinë që nuk i ndalen akuzat për korrupsion.

Por nga ana tjetër, mosvajtja në parlament e kryeministrit dhe këto lojëra kanë sjellë një bashkim të opozitës, ku palët po zihen kush e kush më shumë të marrë protagonizmin për t’u përballur me kryeministrin.

Kërkoi interpelancë Gazment Bardhi, deputetët e Lul Bashës dhe Alibeajt janë bashkuar në foltoren e Kuvendit me deputetë të Berishës dhe Foltores. Të gjithë sot duket se janë një, megjithëse nuk janë të unifikuar përballë Lindita Nikollës për çështjen McGonigal dhe përballë kryeministrit Rama po qëndrojnë në unison.

Shënim/ Si Rama po bashkon opozitën e përçarë
Foto ilustruese

Kjo lojë po i pëlqen shumë Edi Ramës, më shumë se gjithkujt tjetër, sepse tashmë do të krijojë idenë që opozita është e bashkuar që Alibeaj është kundër tij, që kundër tij janë dhe disa vasalë brenda grupit parlamentar apo jashtë atij të PD-së, që PD është një dhe nuk janë të ndryshëm, por vetëm që disa janë me Saliun dhe disa nuk janë, por janë opozitë dhe Shqipëria ka këtë opozitë përballë shumicës parlamentare të socialistëve dhe Rilindjes.

Shënim/ Si Rama po bashkon opozitën e përçarë

Në fakt e gjitha duket të jetë një skemë politike që disa nuk po e lexojnë dhe nuk po e kuptojnë. E gjitha po bëhet nga kryeministri Rama që të krijohet një frymë opozitare, që palët janë në rregull e të tjera si këto, ja këta janë bashkë nuk ndryshojnë dhe nesër kur t’i nevojitet pjesën tjetër të grupit parlamentar të PD-së, atë që ai ka në kontroll ta marrë dhe ta futë në drejtimin që atij i duhet, siç veproi, apo siç ka vepruar disa muaj me radhë duke mbajtur të ndarë grupin parlamentar të PD-së.

Demokratët nuk janë të ndarë për shkak të Edi Ramës apo për shkak të Sali Berishës. Demokratët janë të ndarë sepse një pjesë e grupit parlamentar të tyre janë në ortakëri me kryeministrin Rama, marrin tendera dhe janë duke zhvilluar bizneset e tyre.

Shënim/ Si Rama po bashkon opozitën e përçarë
Foto ilustruese

Kanë punësuar njerëz në administratë sikur të jenë një forcë më vete politike dhe janë të ndarë sepse një pakicë e vogël nuk do të respektojë shumicën brenda PD dhe kjo pakicë është ajo që përdoret nga Rama në parlament.

Shpeshherë kemi parë seanca kur zihen me njëri-tjetrin dhe janë kthyer në qesharakë. Sot po i shkojmë se si Rama i ka bashkuar të gjithë që nesër ta ketë këtë mesazh politik për demokratët, të cilët do fillojnë të besojnë më shumë tek Alibeaj, Gaz Bardhi & CO.

Dhe më pas ata të jenë po të njëjtët që mund të marrin vulën e të drejtojnë PD me argumentin se kanë bërë oponencë ndaj Ramës, kur në fakt janë thjesht dhe vetëm një skenar politik i kryeministrit Rama për t’u keqpërdorur nesër, ashtu siç mund të jetë keqpërdorur dhe McGonigal për të cilin drejtësia amerikane thotë se, ka pasur dhe pagesa të dyshimta, ndërsa për deputetët e PD-së nuk ka më pagesa të dyshimta por gjithçka është e hapur dhe e bëjnë thuajse publikisht./ CNA.al

 





Lajmet e fundit nga