web counter
LEXO PA REKLAMA!

SHKARKO APP

App Store
Google Play

“Sharra, Elbasani dhe Vlora bomba ekologjike”/ Malltezi: Çdo polic në rrugë thoshte troç se biznesi i dherave është i Edi Ramës

2025-03-31 20:13:00, Politikë CNA

“Sharra, Elbasani dhe Vlora bomba ekologjike”/ Malltezi: Çdo

Drejtuesi i Departamentit të Mjedisit në PD, Jamarbër Malltezi, gjatë prezantimit të programit për “Mjedisin, pyjet dhe kullotat” është ndalur dhe te aferave e dherave.

Malltezi tha se Rama detyronte policët që të gjitha makinat e dherave të shkonin në Sharrë dhe më pas zhvilluesit të blinin po mallin e tyre.

“Shqipëria kishte afërsisht 50 kompani riciklimi në vitet 2007-2015. Sot nuk ka pothuajse asnjë, pasi Sharra u bë monopol dhe u përzunë ricikluesit për interesat të xhepave të Edi Ramës dhe atyre që vranë Ardit Gjoklajn.

Çdo polic në rrugë thoshte troç se biznesi i dherave është i Edi Ramës, se na detyron të mos lejojmë asnjë makinë të kalojë askund, përveçse në Sharrë, ku çmimet u pesëfishuan se u kthye në monopol. Edhe nëse një zhvillues kishte dy kantiere, njëri ku duhej të hiqte dhe tjetri ku duhej të shtonte dhè, ai nuk mund të çonte nga kantieri 1 në kantierin 2, por duhet të paguante Edi Ramën në Sharrë për të depozituar mallin e tij. Dhe, brenda një minuti, po me kamionët e tij, ai duhej të paguante përsëri Edi Ramën për të marrë mbrapsht dheun dhe për ta depozituar në kantierin e dytë. Hajdutë të tillë nuk kishim parë akoma”, tha Malltezi.

 

Malltezi po ashtu u ndal dhe te afera e inceneratorëve për të cilën tha se u përdorën fondet rezervë pëër të paguar skema që nuk ekzistojnë. Sharra, Elbasani dhe Vlora, janë kthyer në bomba ekologjike, u shpreh Malltezi.

 

“Vjedhje 400 milionë euro me skemën e inceneratorëve. Përdorimin e fondeve rezervë për të paguar skema që nuk ekzistojnë. Sharra, Elbasani dhe Vlora janë kthyer në bomba ekologjike”, tha Malltezi./ CNA





Lajmet e fundit nga