web counter
LEXO PA REKLAMA!

SHKARKO APP

App Store
Google Play

Sëmuret mjeku i kapur me ryshfet/ Belind Këlliçi ‘i përvishet’ Qeverisë: E kthyet në tabelë qitjeje

2022-09-26 11:42:00, Politikë CNA
Sëmuret mjeku i kapur me ryshfet/ Belind Këlliçi ‘i
Deputeti Belind Këlliçi

Deputeti Belind Këlliçi ka reaguar në lidhje me lajmin se mjeku reanimator Fitim Marku, i cili u kap me ryshfet, është në gjendje të rëndë shëndetësore.

Në një status në rrjetet sociale, Këlliçi ka sulmuar policinë dhe Qeverinë për arrestimin e zhurmshëm të Markut.

Ai vë në dukej se kriminelët janë duke mbushur kronikat dhe mediat me lajme, ndërsa mjekun e arrestuan si një narkotrafikant në kërkim prej vitesh, duke e kthyer në tabelë qitjeje.

“Kriminelët mbushin kronikat dhe portalet rozë. Mediat u qepin kostumin e biznesmenit. Policia e Shtetit miope nuk i sheh gjëkundi, ama mjekut në spital i shkojnë me maska. Vunë tellallin dhe shpallën suksesin e rradhës!

Ejani shihni të korruptuarin. Shihni si e luftojmë ne të Rilindjes korrupsionin.

E arrestuan si një narkotrafikant në kërkim prej vitesh, këta, që kthejnë kokën nga ana tjetër kur kriminelët xhirojnë gomat me makina luksi. E kthyen mjekun në tabelë qitjeje, që shqiptarët të harrojnë së paku për një ditë, ç'qeveri llumi e korrupsioni kanë!”, shkruan deputeti./ B.A. – CNA.al





Lajmet e fundit nga