web counter
LEXO PA REKLAMA!

SHKARKO APP

App Store
Google Play

E fundit!

x

Ilir Meta: Kandidatët e Alibeajt i nxjerr Rilindja

2023-01-16 22:08:00, Politikë CNA
Ilir Meta: Kandidatët e Alibeajt i nxjerr Rilindja
Kryetari i Partisë së Lirisë, Ilir Meta

Kryetari i Partisë së Lirisë, Ilir Meta i cili është në koalicion me PD-në, ka sulmuar mbrëmjen e sotme Enkelejd Alibeajn.

Ai tha në një intervistë me gazetaren Pranvera Borakaj se opozita e bashkuar ka vetëm një kandidat në zgjedhje, ata që kanë dalë nga Primaret.

Përsa i përket kandidatëve të grupit të Alibeajt apo grupit të “Alibashëve”, ai pretendon se janë kandidatë të nxjerrë nga Rilindja.

“Rilindja mund të nxjerrë sa kandidatë të dojë. Opozita do nxjerrë një kandidat në të gjithë Shqipërinë. Kandidatët e opozitës, janë kandidatët e primareve. Përpjekjet dhe idenë se opozita është e përçarë janë të dështuara. Ky është një skenar që e mori përgjigjen edhe në 6 mars, kur ishin në rrethana më të pafavorshme për opozitën. Tani situata është shumë e qartë dhe shumë e kthjellët. Asnjë opozitar nuk ka një votë të tepërt për ta çuar dëm. Të gjitha votat do shkojnë për ndryshim dhe do shkojnë kundër Rilindjes. Nuk ka shqiptar dhe demokrat që nuk e di kush është dhe ku është PD. PD është përballë Edi Ramës, jo në xhepin e Edi Ramës. Opozita ka vetëm një kandidat në çdo bashki, sesa kandidatë nxjerr Rilindja është punë e saj”, tha Meta./ B.A. - CNA.al





Lajmet e fundit nga