Furtuna e arrestimeve në burgun e Fierit/ Luan Baçi: Pse po shpëtojnë drejtuesit pa gjemba në këmbë

2022-09-27 10:40:00, Politikë CNA

Furtuna e arrestimeve në burgun e Fierit/ Luan Baçi: Pse po

Deputeti i Partisë Demokratike, Luan Baçi

Deputeti i Partisë Demokratike, Luan Baçi, ka reaguar për arrestimet e punonjësve të burgut të Fierit për falsifikime dhe vjedhje.

Me anë të një statusi në rrjetet sociale, Baçi shtron pyetjen se si ka mundësi që drejtuesit e kupolës, shpëtojnë pa ju hyrë gjemb në këmbë.

Ai kërkon të dijë se si mund të akuzohen 18 punonjës dhe drejtuesit nuk kanë asnjë përgjegjësi.

Statusi i plotë:

Furtunë burgosjesh në burgun e Fierit si produkt i skandaleve me korrupsion e vjedhje.

18 drejtues të sektorëve të ndryshëm dhe punonjës të thjeshtë,që zbatojnë vetëm urdhrat në këtë institucion, arrestohen dhe vihen nën hetim!

Drejtuesit kryesorë qarkullohen dhe pas një përvoje të gjatë vjedhjesh dhe abuzimesh në drejtim, programohen diku tjetër për të vazhduar korrupsionin me ritme edhe më të larta!

Si ka mundësi që drejtuesit e kupolës, shpëtojnë pa ju hyrë gjemb në këmbë?

Si mund të akuzohen 18 punonjës dhe drejtuesit nuk kanë asnjë përgjegjësi?

Korrupsioni, abuzimet dhe vjedhjet, janë prezent në çdo institucion!

Shikoni Drejtorinë e Transporteve, atë që në gjuhën e përditshme qytetarët e quajnë drejtoria e targave dhe patentave!

Çdo ditë, prej shume vitesh vazhdojnë të vijne 4 inxhiniere "shumë të aftë" që nga Tirana, për të marrë në prova të gjithë ata që duan të pajisen me leje drejtimi!

Si ka mundësi që me një pagë 600 mijë lekë në muaj, këta zotërinj të përballojnë një lodhje kaq të madhe, me harxhim kohe nga mëngjesi në darkë dhe shpenzime të papërballueshme, për një pagë të tillë?

Pyesni qytetarët e Fierit, Mallakastrës, Lushnjes, Divjakës, Patosit dhe Rroskovecit, se sa paguajnë nën dorë për të marrë këto shërbime te kjo drejtori!

Pyesni qytetarët se çfarë heqin per te marr nje çertifikat pronesie apo sherbim tjeter te Katadastra e Fierit!

Pyesni bizneset se çfare tmerri jane bere per ta, tatimoret e korruptuar dhe hajdut te pa perseritshem!

Po për Inceneratorin e Fierit megaskandalin e vjedhjes dhe babëzisë, ku jane perlare miljona € , pse ka heshtje varri dhe fajtorët fshihen pas fijes së barit?

Ku eshte drejtesia e pavarur?

Furtuna e arrestimeve dhe fillimit te hetimeve duhet me patjeter kudo ku ka vjedhje dhe abuzime dhe keto jane te dukshme ne shume institucione, ku drejtuesit dhe shefat e tyre, jane arkitektet e skemave te pervetsimit te paligjshem!

Ngreuni dhe bjeruni hajduteve nuk ka zgjedhje tjeter, me fjale keta nuk kuptojne me!