web counter
LEXO PA REKLAMA!

SHKARKO APP

App Store
Google Play

E fundit!

x

E dredh Agron Gjekmarkaj/ Kalon asnjëanës

2022-10-17 21:35:00, Politikë CNA
E dredh Agron Gjekmarkaj/ Kalon asnjëanës
Deputeti Agron Gjekmarkaj

Agron Gjekmarkaj, njeriu që thirri policinë së bashku me Ferdinand Xhaferajn e Ervin Salianjin në selinë e PD-së, në 8 janar, e ka dredhur sërish mbrëmjen e sotme.

Gjekmarkaj tentoi të tregojë në emisionin “Now” të Erla Mëhillit se tashmë ka kaluar asnjëanës.

Ai tha se nuk ka lëvizur kurrë nga Partia Demokratike dhe nuk pranoi të cilësojë veten si pjesë të një grupimi.

“Unë jam tek Partia Demokratike në fakt, nuk kam lëvizur kurrë nga aty. Sot më shumë se kurrë, PD nuk është selia. Nëse sot ekziston PD, ekziston në mënyrë plazmike, ekziston tek njerëzit”, u shpreh ai.

I pyetur se kë cilëson sot kryetar të PD-së, Gjekmarkaj refuzoi të japë një përgjigje, duke argumentuar se nuk dëshiron që fjalët t’i përdoren kundër tij.

Shiko Erla, unë kam një vit, ndoshta që pas 9 shtatorit që jam shprehur shpesh, kam folur shpesh, për dikë jam përfshirë në një betejë të drejtë, për dikë në një betejë të padrejtë, dikush është kënaqur nga qëndrimet e mia, ndoshta shumëkush është mërzitur nga qëndrimet e mia. Në njëfarë mënyre, çfarë kam patur për ta thënë për ngjarjet, për PD-në në 32 vite, për raportin e saj me të shkuarën, me të ardhmen, për  lidershipin, për nevojën e një elite të re, për nevojën e një shkolle të re në PD, rolin e demokratizimit, shndërrimin e saj në një aset të votuesve, të qytetarëve, unë i kam thënë të gjitha dhe nuk është e nevojshme në këtë moment t’i ripërsëris se nuk dua të lëndoj më njerëz.

Së paku, në këtë fazë, kur ne kemi një besim pozitiv, kemi një sinqeritet për të testuar çdo mundësi, për tu ulur me demokratët e anës tjetër, në këtë aspket, nuk dua t’i fryj zjarrit të përçarjes, nuk dua të bëhem animoz, nuk dua të gjejnë shkak dhe sebep tek fjalët e mia, që nesër të thonë nuk duan bashkimi, siç thonë rëndomë, janë të shitur, janë të blerë dhe më vjen të qesh shpeshherë se del një njeri dhe thotë njëri është i shitur, njëri është i blerë. Mendojnë se kanë tagrin moral, mendojnë që kanë autoritetin ta bëjnë këtë. Unë  nuk i përkas kësaj rrace politikanësh”, deklaroi ai./ B.A. – CNA.al





Lajmet e fundit nga