web counter
LEXO PA REKLAMA!

SHKARKO APP

App Store
Google Play

E fundit!

x

Denoncimi/ Kompania e Agron Kapllanaj hedh asfalt elektoral në shi

2023-05-11 07:37:00, Politikë CNA
Denoncimi/ Kompania e Agron Kapllanaj hedh asfalt elektoral në shi
Foto ilustruese

Teksa jemi 3 ditë para zgjedhjeve dhe në fushatë elektorale, kompania e kandidatit të PD-së së vulës, Agron Kapllanajt shtron asfalt në ditë me shi. Kompania e Kapllanajt, "Shkëlqimi 07", po kryen edhe punime jashtë standardeve, thjesht e vetëm për t'iu shërbyer interesave elektorale të Edi Ramës.

Kjo ka ndodhur në Berat, mbrëmejn e kaluar, ku punimet po kryhen për qëllime elektorale.

Ky denoncim është bërë nga kandidati i opozitës për kryetar bashkie Zija Ismaili dhe deputeti i PD, Tomorr Alizoti, të cilët kanë deklaruar se qeveria po tenton të zhvatë vota duke shtruar asfalt.

"Qytetarët duan investimet, transparencën se kanë paguar taksat. Këta duan t'u grabisin votat natën, në errësirë. Ne jemi në krah të qytetarëve dhe do t'i mbështesim ata", tha Ismaili gjatë një prononcimi për mediat.

Deputeti Alizoti tha se për punimet nuk ka asnjë tabelë informuese, nuk dihet as shuma që është investuar.

"Si mund të bëhet një rrugë pa kanalizime. Nuk ka transparencë, nuk ka tabelë informuese, nuk dihet vlera e investimit. Vetëm tre ditë para zgjedhjeve. Policia këtu është për të intimiduar njerëzit, njerëzit nuk e pranojnë këtë", theksoi Alizoti./ CNA.al





Lajmet e fundit nga