web counter
LEXO PA REKLAMA!

SHKARKO APP

App Store
Google Play

‘Dardha e ka bishtin mbrapa’/ Rama, për financimet ruse: Është histori më e gjerë sesa dimë

2022-10-18 19:22:00, Politikë CNA
‘Dardha e ka bishtin mbrapa’/ Rama, për financimet ruse:
Kryeministri Edi Rama

Kryeministri Edi Rama ka thumbuar sërish opozitën, teksa ka folur për lobimet ruse gjatë një takimi në Përmet.

Rama tha se historia e parave ruse është shumë më e gjerë se pjesa që është bërë publike. Sipas tij, kjo histori është një dardhë që e ka bishtin prapa.

"Sikur të mos mjaftonte inflacioni i luftës së Putinit, kemi edhe opozitën e rublave. Historia e tyre me rublat është një histori më e gjerë sesa ajo që dimë. Për të cilën tani janë futur në sherr kush i kishte paratë dhe kush e dinte dhe kush nuk e dinte. Kur ajo doli në shesh të gjithë u hodhën që nuk kemi lidhje, ky s?ka lidhje etj, etj. Tani po mundohet të thonë kush ka dhe kush nuk ka lidhje. Por si çdo dardhë që e ka bishtin prapa edhe kjo është një dardhë që e ka bishtin prapa.

Nuk është aspak rastësi, që edhe ajo historia e rezolutës së turpit me trafikimin e organeve që i ka vënë një stampë turpi jo luftëtarëve të UÇK, por kombit shqiptar, sepse na identifikojnë ne si njerëz barbarë që trafikojnë edhe organe njerëzish kur janë duke luftuar për lirinë e tyre. Nuk është rastësi, që delegacioni shqiptar atje u nda dhe ata që dje ishin në pushtet votuan pro atij turpi. Siç nuk është rastësi kjo më vonë, siç nuk është rastësi edhe mënyra sesi edhe në një situatë si kjo kërkojnë vetëm të hedhin  më shumë benzinë në një zjarr që e ka ndezur një armik", theksoi kreu i qeverisë ndër të tjera./ B.A. - CNA.al





Lajmet e fundit nga