web counter
LEXO PA REKLAMA!

SHKARKO APP

App Store
Google Play

Berisha mbledh kryetarët e degëve të Tiranës/ Diskutime për zbatimin e primareve

2022-10-19 19:41:00, Politikë CNA
Berisha mbledh kryetarët e degëve të Tiranës/ Diskutime
Kryetari i Partisë Demokratike, Sali Berisha

Kryetari i Partisë Demokratike, Sali Berisha është duke zhvilluar një mbledhje me kryetarët e degëve të Tiranës në selinë blu.

Gjatë fjalës së tij, Berisha tha se aktualisht PD-ja është fokusuar tek zbatimi i primareve në zgjedhjen e kandidatëve dhe këshilltarëve, ndaj edhe nuk është duke zhvilluar protestat e paralajmëruara.

Lideri i demokratëve deklaroi se tashmë e djathta duhet të përqëndrohet tek kryetarët e seksioneve, të cilat theksoi se do t’i përcaktojnë simpatizantët.

"Të gjithë me siguri ju pyesin për protestat, thonë ku i keni protestat. Kemi fokusin në zbatimin e primareve në zgjedhjen e kandidatëve dhe këshilltarëve në mënyrë që zotimin tonë ta shndërrojmë në realitet. Me bindjen më të thellë, ky është një zhvillim jashtëzakonisht i rëndësishëm për të ardhmen e Shqipërisë. Vota u përjashtua nga partitë dhe nga shoqëria, ndaj dhe rikthimi i saj është vendimtar për të ardhmen e Shqipërisë.

Kështu që ndjehemi bashkërisht të lehtësuar që kjo parti nga dhjetori deri më sot, ka votuar më shumë se kurrë. Kemi bërë shumë mirë dhe nuk do të reshtim me përpjekjet për të konsoliduar votat në vijim. Kryesia ka diskutuar gjerësisht për primaret, tani duhet të përqëndrohemi tek kryetarët e seksioneve, ka pasur diskutime të shumta, aplikacione, e të tjera. Dikur i kemi pasur të them të drejtën listat, por tani do të jenë ato zyrtare. Seksionet do të përcaktojnë simpatizantët dhe janë të mirëpritur të votojnë. Në këto primare ne jemi të hapur”, nënvizoi Berisha./ B.A. – CNA.al





Lajmet e fundit nga