web counter
LEXO PA REKLAMA!

SHKARKO APP

App Store
Google Play

Berisha, akuza Ramës/ Është racist, diskriminon qytetarët e zonave të veriut

2023-05-06 20:11:00, Politikë CNA
Berisha, akuza Ramës/ Është racist, diskriminon qytetarët e
Kreu i koalicionit “Bashkë Fitojmë”, Sali Berisha

Kreu i koalicionit “Bashkë Fitojmë”, Sali Berisha hodhi akuza ndaj kryeministrit Edi Rama gjatë një takimi elektoral në Kukës.

Berisha e etiketoi Ramën si një person antishqiptar dhe një njeri diskriminues ndaj zonave të veriut.

“Edi Rama zhyti Shqipërinë në varfëri sa asnjëherë tjetër në 8 vite. Edi Rama përjashtoi veriun nga investimet. Po vijmë nga Kruma dhe Myftari tregoi aty se ish-kryetari i bashkisë Krumë, socialist kalonte nga fshati në fshat. Tu them të vërtetën mua më bëri përshtypje pozitive, sepse njeriu pendohet, pendesa është gjëja më normale dhe shkonte në çdo fshat dhe u thoshte; shikoni unë e lashë këtë detyrë, por 4 vite kam marrë zero investime nga qeveria e Tiranës. Zero investime.

Pra e thashë këtë për trajtimin armiqësor, për diskriminim racist që ai u ka bërë zonave të veriut. Një vit kam llogaritur investimet në të gjithë veriun. Ishin, 1/3 e rrasave të gurit në sheshin Skënderbej. Absolutisht kjo”, theksoi ai ndër të tjera./ CNA.al





Lajmet e fundit nga