E fundit!

11:12 POLITICS

Murders in Albania in a "series"/ Balla praises Çuçi: He does his job very well

The recent assassinations and murders in Albania have ...

Një rrëfim shpirti me emocione të forta/ Boris Miska sjell novelën

2022-11-13 17:16:00, Kulturë CNA

Një rrëfim shpirti me emocione të forta/ Boris Miska sjell

Boris Miska ka sjellë së fundmi një novelë me titull "Passhpinët", ku ka përmbledhur me emocion një rrëfim jete.

Dashuri, pasion, përjetime, intrigat, ligësitë që përjeton çdo njeri e kanë shoqëruar këtë botim në çdo rresht.

Novela ‘Passhpinët’ vjen sot si dëshmi për atë që përjetoi, që pa e dëgjoi, jo e deformuar, e sinqertë dhe e pandotur.

Që në faqen e parë renditja e emrit të autorit, përcaktimi i llojit të gjinisë së veprës dhe titullit, ishin korniza e duhur që e vishte librin.

Ajo në llojin e saj sjell tek lexuesi një ndjesi të butë, pasi kemi të bëjmë me histori njerëzore, parë në aspektin e individit në raport me jetën dhe kohën. Vetë titulli i librit është pjesë organike e tij, trungu mbi të cilin Boris Miska ka ngritur gjithë novelën e tij.

Udhëheqja e intrigës, zotërimi i pushtetit të saj deri në çdo skut të qenies njerëzore! Intriga si domosdoshmëri, si motiv, si pasion, si obsesion, si nevojë për njerëz të cilët nuk mundin dhe nuk e kanë aftësinë për të qenë ndryshe. Passhpinët të krijuar për të qenë të tillë, të varur plotësisht nga kënaqësia që ju sjell intriga, një pasion që i shoqëron gjithë jetën, një psiqikë e sëmurë që vdes bashkë me ta.

Kohët e fundit gjatë procesit të mbylljes patëm diskutuar shpesh rreth librit, për të sjellë atë panoramë të përfolur, ose që ishte lënë në ‘turbullirë’ qëllimisht pa u anlizuar nga historian dhe studiues të epokave dhe rendeve shoqërore.

Ishim të dy në dakortësi se vlerësimet e ngjarjeve e fakteve duhen bërë brenda periudhës, kohës dhe hapsirave kur kishin ngjarë, jo nga pozitat e tanishme. Në novelë Boris Miska jep disa dëshmi rreth atyre ndodhive të fillim viteve 80-të. Janë te tijat, të përjetuara te cilat i shtjellon me korrektesë dhe mjeshtëri në rrjeshtat e librit. ( Libri Passhpinët, shkruar nga Boris Miska. Pjese nga shenimi për lexuesin nga Eva Gjoni)./CNA.al