web counter
LEXO PA REKLAMA!

SHKARKO APP

App Store
Google Play

Nuk ishte hera e parë/ Personi që tentoi të vetëdigjej me probleme të shëndetit mendor

2025-01-30 18:04:00, Kronika CNA

Një ngjarje e rëndë u regjistruar ditën e sotme në spitalin e Korçës teksa një shtetas tentoi të vetëdigjej, por që fatmirësisht u ndal në kohë nga pacientët e tjerë aty pranë dhe më pas nga policia.  

Sipas informacioneve nga grupi hetimor, shtetasi Kujtim Mero është shoqëruar disa herë në komisariat pasi paraqet në dukje edhe probleme të shëndetit mendor dhe shpesh herë konfliktohet me mjekët dhe infermierët e repartit të hemiodializës.

Së pari ai ka nisur t’i bërtasë mjekëve dhe më pas ka nxjerrë shishen e benzinës në formë kërcënimi, më pas stafi i ketij reparti ka komunikuar sallën operative. Në momentin që ka vajtur patrulla e policisë ai ka nxjerrë shishen e benzinës dhe ka kërcënuar se do i vinte zjarrin vetes dhe vëndit.

Menjëherë aty është bërë dhe shoqërimi në ambjentet e komisariatit të Korçës të këtij shtetasi. Theksojmë se ky nuk është rasti i parë kur ky pacient ka krijuar konflikte me bluzat e bardha të Korçës.

Burime nga qendra e hemiodializës bëjnë të ditur se Kujtim Mero nuk ka pranuar të ulet në një tjetër vend për të kryer procesin e dializës pasi pajisja që kryente kontrollin ka qenë e dëmtuar dhe nga mjekët u pa e nevojshme t’i ndërrohej vendi, por ky i fundit nuk ka pranuar duke krijuar më pas situatën.

Prej afro 1 jave ai refuzonte të kryente dializën për këtë çështje dhe konfliktohej me stafin mjekësor, derisa ditën e sotme ka shkuar i përgatitur me një shishe benzinë me vete për të krijuar edhe situatën. /CNA





Lajmet e fundit nga