web counter
LEXO PA REKLAMA!

SHKARKO APP

App Store
Google Play

E fundit!

x

Goditen dy grupe kriminale në Durrës/ Arrestohen 8 persona, çfarë iu sekuestrua

2023-04-08 10:27:00, Kronika CNA

Goditen dy grupe kriminale në Durrës/ Arrestohen 8 persona,

Finalizohen 2 operacione policore antidrogë, të koduara “Foremost” dhe “Last deal” në Durrës, pas një hetimi 6-mujor, me metoda proaktive.

Blutë bëjnë me dije se gjatë 2 operacioneve janë vënë në pranga 8 persona, pjesëtarë të 2 grupeve kriminale.

Konkretisht, në kuadër të operacionit policor të koduar “Last Deal” u arrestuan shtetasit me iniciale: G. M. (alias G. L., G. M., G. F.), 48 vjeç, i dënuar më parë, T. M., 43 vjeç, banues në Sukth, i dënuar më parë, A. H., 24 vjeç dhe A. V., 17 vjeç, të katërt banues në Sukth. 

Ndërsa në kuadër të operacionit “Foremost” u arrestuan shtetasit me iniciale E. C., 25 vjeç, G. K., 23 vjeç dhe K. B., 24 vjeçe, të tre banues në Durrës, si dhe S. B., 24 vjeç, banues në Shijak.

Nga hetimet me metoda proaktive ka rezultuar se  shtetasi G. M. kishte rolin e furnitorit me lëndë narkotike kokainë, për këta shtetas, të cilët, pasi e blinin atë, në bashkëpunim me njëri-tjetrin, e shpërndanin në zonën e Sukthit dhe të Durrësit, si dhe në lokalet e natës, në qytetin e Durrësit.

Gjithashtu, këta shtetas, për ndarjen e lëndës narkotike, kishin përshtatur ambiente të posaçme në lokalet e tyre, konkretisht në lokalin e shtetasit G. M., në zonën e Sukthit, dhe në lokalin e shtetastit E. C., në një lagje në Durrës.

Si rezultat i këtyre operacioneve u sekuestruan në cilësinë e provës materiale:

- 1 pako me kokainë, me peshë 130 gramë;

- 40 doza me lëndë narkotike të llojit kokainë;

- 3 automjete, 2 prej tyre luksoze;

- 96 mijë lekë të rinj dhe disa shuma në euro, franga dhe paund;

-3 peshore elektronike që shërbenin për peshimin dhe ndarjen e lëndës narkotike në doza të vogla, 1 dorezë hekuri dhe 14 aparate celulare.

Sakaq, materialet hetimore do t’i referohen Prokurorisë pranë Gjykatës së Shkallës së Parë Durrës, për veprat penale “Përshtatja e lokalit për përdorim droge”, “Prodhimi dhe shitja e narkotikëve”, kryer në bashkëpunim, dhe “Prodhimi, mbajtja, blerja apo shitja e armëve të ftohta”./ CNA.al





Lajmet e fundit nga