Breshëria e plumbave në Fushë-Krujë/ Pamje nga vendngjarja, autorët qëlluan rreth 50 herë me armë

2022-07-17 19:03:00, Kronika CNA

Breshëria e plumbave në Fushë-Krujë/ Pamje nga vendngjarja,

Foto nga vendngjarja

Dalin pamje nga vendi ku ndodhi atentati me armë në mbikalimin e Fushë-Krujës, ku mbetën viktimë tre persona.

Siç shihet edhe në video, në vendngjarje kanë mbetur shenjat e plumbave dhe gëzhojat nga breshëria e armëve.

Raportohet se policia ka sekuestruar rreth 50 gëzhoja plumbash të armëve automatike, ndërsa automjeti i djegur i viktimave është larguar nga autoritetet.

Në këtë atentat mbetën viktimë shtetasit Brilant Martinaj, Besmir Hoxha dhe Diklen Vata.

Kanë qenë të afërmit e Diklen Vatës ata që kanë konfirmuar se 30-vjeçari ndodhej në makinë me Martinajn dhe Hoxhën, por policia ka dërguar trupat e tyre për t’ju nënshtruar ekspertizës dhe analizës së AND-së, në mënyrë që të konfirmohet identiteti.

Martinaj dhe Hoxha nuk mundën të dilnin nga makina që u përfshi nga flakët dhe u dogjën brenda saj.

Nga ana tjetër, Vata doli nga makina dhe tentoi të largohej me vrap, por u qëllua për vdekje nga autorët.

Ndërkohë, policia është ende në kërkim të autorëve dhe po kryen operacione kërkimore në Larushkë dhe Nikël./ B.A. - CNA.al