web counter
LEXO PA REKLAMA!

SHKARKO APP

App Store
Google Play

Detaje të reja nga masakra në Fushë-Krujë/ Kush është shkaku i atentatit me tre viktima

2022-07-17 17:08:00, Kronika CNA
Detaje të reja nga masakra në Fushë-Krujë/ Kush
Foto nga vendngjarja

Të tjera detaje kanë dalë në dritë nga atentati që tronditi vendin, ku mbetën viktimë 3 persona, më konkretisht shtetasit Brilant Martinaj, Besmir Hoxha dhe Diklen Vata.

Kanë qenë të afërmit e Diklen Vatës ata që kanë konfirmuar se 30-vjeçari ndodhej në makinë me Martinajn dhe Hoxhën, por policia do të dërgojë trupat e tyre për t’ju nënshtruar ekspertizës dhe analizës së AND-së, në mënyrë që të konfirmohet identiteti.

Dyshohet se shkak i breshërisë së plumbave ka qenë hakmarrja.

Diklen Vata dhe Brilant Martinaj janë emra të njohur për policinë. Martinaj rezulton të jetë shpallur në kërkim për vrasjen e efektivit të FNSH-ve, Xhulio Prela si dhe ish-policit Xhelal Reçi në Laç. Brilant Martinajt është kushëri i Ervis Martinajt, edhe ky i fundit i shpallur në kërkim ndërkombëtar.

Nga ana tjetër, më 27 shtator të 2017-ës, Vata është arrestuar si shpërndarës kokaine nga policia e Tiranës.

Gjatë kontrollit fizik, në vendin e quajtur zona e shkollës “Bajram Curri”, atij iu gjet e fshehur në çorape një mbështjellëse me lëndë narkotike e dyshuar e llojit kokainë, si dhe 3 mbështjellëse të tjera të fshehura në çelësat e makinës.

Ndërsa në banesën e 30-vjeçarit, asokohe u gjetën edhe 18 mbështjellëse të tjera me lëndë narkotike, e dyshuar e llojit kokainë.

Për ngjarjen e sotme, policia ka ngritur një sërë pikash kontrolli dhe po punon për zbardhjen e pltë të ngjarjes dhe identifikimin e autorëve./ B.A. - CNA.al





Lajmet e fundit nga