Masakra në Fushë Krujë/ Policia zbardh detaje, çfarë u gjet brenda makinës së autorëve

2022-07-17 15:51:00, Kronika CNA

Masakra në Fushë Krujë/ Policia zbardh detaje, çfarë

Foto nga vendngjarja

Policia ka zbardhur detajet e para të atentatit që ndodhi mesditën e sotme te mbikalimi i Fushë Krujës.

Blutë kanë konfirmuar tre viktima nga kjo ngjarje, dy persona të paidentifikuar, ndërsa tjetri është shtetasi me iniciale D. V., 30 vjeç.

Raportohet se makina tip "Volswagen Passat", e gjetur në Larushkë duke u djegur, mund të jetë e autorëve.

Në brendësi të automjetit është konstatuar një armë zjarri automatike që dyshohet se është përdorur nga autori/ët për të kryer krimin.

“Në aksin rrugor Fushë Krujë-Thumanë, te mbikalimi i Fushë Krujës, dyshohet se në drejtim të një automjeti tip "Volswagen Passat" është qëlluar me armë zjarri.

Si pasojë automjeti ka marrë flakë dhe janë djegur në automjet dy shtetas ende të pa identifikuar.

Gjithashtu, nga të shtënat ka mbetur i vrarë dhe shtetasi D. V., 30 vjeç, nga Fushë Mamurrasi, i cili ka qenë pasagjer por ka mundur të dalë nga automjeti, dhe ka humbur jetën sapo ka dalë prej tij.

Në vendngjarje ndodhet grupi hetimor dhe forca të shumta Policie.

Nga krehja e zonës, në Larushkë, është gjetur duke u djegur një automjet tip "Volswagen Passat" që dyshohet se është i autorëve.

Në brendësi të automjetit eshte konstatuar një armë zjarri automatike që dyshohet se është përdorur nga autori/ët për të kryer krimin.

Në ndihmë të Policisë vendore kanë shkuar grupe të FNSh Tiranë dhe janë ngritur pika kontrolli nga DVP Tiranë e Lezhë.

Grupi hetimor nën drejtimin e Prokurorisë së Rrethit Gjyqësor Krujë, po punon për identifikimin e dy shtetasve të djegur në automjet dhe për sqarimin e rrethanave të ngjarjes, sekuestrimin e cdo prove të vlefshme që do ti shërbejë zbardhjes së ngjarjes dhe identifikimit të autorëve”, thuhet në njoftimin e policisë./ B.A. – CNA.al