web counter
LEXO PA REKLAMA!

SHKARKO APP

App Store
Google Play

E fundit!

x

Shpërthimi në xhami/ ISIS merr autorësinë e sulmit në Islamabad

2026-02-07 13:44:00, Kosova & Bota CNA

Shpërthimi në xhami/ ISIS merr autorësinë e sulmit në

Shteti Islamik (ISIS) ka marrë përgjegjësinë mbi sulmin kamikaz të ndodhur përgjatë lutjeve të së premtes në një xhami shiite në kryeqytetin e Pakistanit, ku si pasojë e shpërthimit humbën jetën 31 persona dhe u plagosën 169 të tjerë.

Në një deklaratë të lëshuar nga ISIS, thuhet se organizata vijon që t'i shohë shiitët pakistanezë si objektiva legjitimë, duke i quajtur ata një rezervuar njerëzish që punojnë për të rekrutuar militantë që të luftojnë Shtetin Islamik në Siri.

Bombardimi i xhamisë në lutjet e së premtes ku në mesin e viktimave kishte edhe fëmijë ishte më vdekjeprurësi në Islambad që nga një sulm kamikaz i ndodhur brenda një hoteli në qytetin e Pakistanit në vitin 2008 ku humbën jetën 63 persona dhe u plagosën më shumë se 250 të tjerë.

Shiitët, të cilët janë pakicë në kombin me shumicë myslimane sunite prej 241 milionë banorësh, janë shënjestruar me dhunë sektare në të kaluarën, përfshirë edhe nga grupe militante talebane në Pakistan, që i konsiderojnë ata heretikë.

Bombardimet janë të rralla në kryeqytetin e ruajtur me masa të rrepta, megjithëse Pakistani është goditur nga një valë në rritje e sulmeve nga grupet militante përgjatë viteve të fundit. /CNA





Lajmet e fundit nga