web counter
LEXO PA REKLAMA!

SHKARKO APP

App Store
Google Play

E fundit!

x

Zbulohen detajet e sherrit të Ilir Metës në Gjirin e Lalëzit

2023-01-03 13:09:00, Aktualitet CNA

Zbulohen detajet e sherrit të Ilir Metës në Gjirin e Lalëzit

CNA.al dje raportoi në lidhje me një incident që kishte ndodhur mes ish-Presidentit, kreut të Partisë së Lirisë, Ilir Meta dhe familjarëve të dy eksponentëve të rëndësishëm të ish-LSI-së, Lefter Kokës dhe Nasip Naços.

Sipas një burimi që ishte në ambjentet ku ndodhi incidenti Ilir Meta ka bërë debate të ashpra me nipin e Nasip Naços, pasi ish-Presidenti fillimisht ka shpërthyer me fjalë fyese ndaj ish-ministrave të tij.

Zbulohen detajet e sherrit të Ilir Metës në Gjirin e Lalëzit
Nasip Naço dhe Ilir Meta

Sipas Metës, Nasip Naço dhe Lefter Koka ishin njerëz që ky i fundit i kishte bërë ministra, i kishte ngritur në detyrë, ndërsa Edi Rama i kishte hedhur në kosh dhe futur edhe në burg.

Për Metën, Lefter Koka dhe Nasip Naço dhe shumë personazhe të tjera, janë tradhëtarët që e kanë braktisur kreun e PL-së, janë mosmirënjohës.

Zbulohen detajet e sherrit të Ilir Metës në Gjirin e Lalëzit
Lefter Koka, Nasip Naço dhe Ilir Meta

Këto deklarime të Metës në tavolinë, kanë sjellë reagimin e ashpër të nipit të deputetit socialist Nasip Naço dhe situata ka qenë vërtetë shumë e ndezur.

Por ka qenë ndërhyrja e një biznesmeni dhe kreut të Partisë Agrare z. Agron Duka që ka qetësuar situatën.

Në tavolinë kanë qenë shumë personazhe, mes tyre Agron Duka, Ilir Meta, Leonard Koka, i cili është edhe vëllai i ish-ministrit Lefter Koka që ndodhet pas hekurave nën akuzën e korrupsionit për aferën e inceneratorëve.

Zbulohen detajet e sherrit të Ilir Metës në Gjirin e Lalëzit
Ilir Meta dhe Leonard Koka

Kreu i PL-së, Ilir Meta, raportohet shpesh që të ndodhet në të tilla situata inkandeshente, acaruese, konfliktuese, dhe në 6 muajt që ka dalë në opozitë, pasi la detyrën e Presidentit kalon më shumë kohë nën avujt e alkoolit, telefonatave të ashpra dhe konflikteve me shumë nga njerëzit e që e kanë braktisur atë.

Dhe e ardhmja e Ilir Metës duket të jetë mjaft e errët, me tensione, akuza dhe sulme të pandashme ndaj njerëzve që ka pasur bashkëpunëtorë, të cilët janë larguar nga Ilir Meta, pas acarimit që ka pasur ky i fundit, nervozizmit të vazhdueshëm që shfaq, por edhe konfliktit me shumë personazhe të cilat tashmë nuk janë më pjesë e LSI-së, por e kanë lënë në vetminë e tij Ilir Metën së bashku me disa adoleshentë të vonuar dhe pensionistë të panevojshëm./CNA.al





Lajmet e fundit nga