web counter
LEXO PA REKLAMA!

SHKARKO APP

App Store
Google Play

E fundit!

x

Ilir Meta sulmon IKMT/ “Vajton” ndërtimet pa leje të Irfan Hysenbelliut

1 Dhjetor 2022, 09:27, Aktualitet CNA

Ilir Meta sulmon IKMT/ “Vajton” ndërtimet pa leje të Irfan

Kreu i PL-së, Ilir Meta, është pro ndërtimeve pa leje të Irfan Hysenbelliut në “Prestige Resort”.

Konfirmimin e ka bërë mëngjesin e sotëm, pas vijimit të aksionit të IKMT për pastrimin e bregdetit të Golemit nga ndërtimet pa leje.

Këtë aksion, Meta e ka quajtur sulm të paligjshëm.

“Sulmi i paligjshëm dhe brutal i forcave të policisë dhe të IKMT kundër 'Prestige Resort' në Golem, është një vepër kriminale personalisht e Edi Ramës si hakmarrje ndaj lirisë të mediave. Ky arbitraritet i pashembullt është tregues i rënies të shtetit të së drejtës dhe këmbanë alarmi, për të gjithë qytetarët që duan të jetojnë të lirë dhe të sigurtë në vendin e tyre”, shkruan Meta në rrjete sociale.

Ai ka shkruar më tej duke thënë se është një akt terrorist dhe një sulm ndal lirisë së mediave, duke iu kthyer kështu refrenit të vjetër.

“Partia e Lirisë e vlerëson këtë sulm si një akt terrorist, ndaj lirisë të mediave dhe të gazetarëve dhe bën thirrje për përshkallëzimin e qendresës qytetare dhe demokratike ndaj këtij regjimi skizofrenik dhe hajdut, që kërkon me çdo kusht të mbyllë çdo hapësirë informimi dhe lirie për të mbuluar vjedhjet e shekullit. Skenat e krimit sot janë te incineratorët, te Porti i Durrësit dhe dhjetera PPP që vjedhin në mënyrë të pamëshirshme qytetarët shqiptarë dhe jo te Prestige resort që ka qenë dhe është një nga resortet më elitare dhe të hershme në vendin tonë”, shkruan më tej Meta./CNA.al





Lajmet e fundit nga