web counter
LEXO PA REKLAMA!

SHKARKO APP

App Store
Google Play

E fundit!

x

PL-në e pret fati i LSI-së?/ Ilir Meta, kryetari që u zgjodh pa vota në partinë e tij

14 Tetor 2022, 14:14, Politikë CNA

PL-në e pret fati i LSI-së?/ Ilir Meta, kryetari që u zgjodh pa

Ilir Meta pas mbarimit të mandatit presidencial, u kthye në partinë që ai kishte themeluar më herët, te LSI-ja.

Brenda pak ditësh ai ndërroi emrin e partisë, nga LSI duke e bërë Partia e Lirisë.

Ditën që njoftoi ndryshimin e emrit foli edhe për zgjedhjen e kryetarit të Partisë së Lirisë.

Por ndërkohë, filloi të shfaqej vetë si kryetar i kësaj partie, pa bërë zgjedhje brenda partisë. U vetemërua kryetar, duke përforcuar kështu opinionin se PL, ish-LSI, është parti personale.

Edhe zyra e shtypit në njoftimet për mediat e raporton Ilir Metën si kryetar të PL-së.

PL-në e pret fati i LSI-së?/ Ilir Meta, kryetari që u zgjodh pa

Si kryetar i PL-së, Meta u takua edhe me ambasadoren amerikane.

Pra nga 25 korriku dhe deri më tani Ilir Meta ka mbajtur postin e kryetarit të PL-së, së pazgjedhur nga partia.

Kur janë bërë gati katër muaj, PL njofton se do të mbahen zgjedhje brenda partisë për të zgjedhur kryetarin.

PL-në e pret fati i LSI-së?/ Ilir Meta, kryetari që u zgjodh pa

Duke parë ecurinë e LSI-së, së shndërruar në PL, gjithçka po bëhet sa për sy e faqe, pasi emri i kryetarit të partisë, nuk ka gjasa të ndryshojë.

Ky është ndryshimi që thotë Ilir Meta se do të sjellin me partinë që përfundoi për skrap. Ilir Meta shmang zgjedhjet në partinë e tij, po kërkon zgjedhje vendore të lira.

Kur në shtëpinë e tij, nuk ka demokraci, dyshohet se po tenton t’u hedhë mjegull qytetarëve, të cilët e njohin prej më shumë se 30 vitesh, në postet e ndryshme që ka mbajtur.

“Jemi në këtë komunikim me publikun për të ndarë disa vendime të rëndësishme të marra nga Komiteti Organizator i Partisë së Lirisë, në lidhje me procesin zgjedhor të forumeve drejtuese të Partisë së Lirisë, në Konventën Kombëtare e cila do të mbahet në 29 tetor.

Konventa Kombëtare në zbatim të vendimeve të Komitetit Organizator do të miratojë disa ndryshime statutore, programin politik të partisë si dhe zgjedhjen e anëtarëve të Komitetit Drejtues Kombëtar.

Po në zbatim të vendimit të Komitetit Organizator është shpallur hapja e procesit për zgjedhjen e kryetarit të Partisë së Lirisë.

Afati për pranimin e kandidaturave (për kryetar dhe anëtar të KDK) do të fillojë sot më datë 14 tetor dhe do të mbyllet në 24 tetor 2022. Kriteret për kandidatët për kryetar dhe anëtarë të Komitetit Drejtues Kombëtar të Partisë së Lirisë mund të tërhiqen pranë zyrave qëndrore dhe do të publikohen në faqen zyrtare "www.partiaelirise.al".

Ftojmë të gjithë anëtarët e Partisë së Lirisë që të bëhen pjesë e këtij procesi duke aplikuar pranë Komisionit Zgjedhor të Partisë së Lirisë të ngritur për drejtimin dhe monitorimin e këtyre proceseve zgjedhore”, njofton PL./CNA.al





Lajmet e fundit nga