web counter
LEXO PA REKLAMA!

SHKARKO APP

App Store
Google Play

E fundit!

x

“Integrimi në BE, do të ndodhë kur ta meritoni”/ Varhelyi, mesazh politikës shqiptare

13 Tetor 2022, 17:49, Politikë CNA
“Integrimi në BE, do të ndodhë kur ta meritoni”/
Oliver Varhelyi, komisioneri për politikën e fqinjësisë dhe zgjerimit të BE-së

Oliver Varhelyi, komisioneri për politikën e fqinjësisë dhe zgjerimit të BE-së, i sheh me optimizëm përpjekjet e Shqipërisë dhe progresin për integrimin në BE.

Por Varhelyi kërkoi bashkëpunim nga palët politike për reformat madhore të domosdoshme në vend.

“Për sa kohë që unë kam ndjekur situatën politike në Shqipëri, ajo është vazhdimisht e ndjeshme. Kriter kyç për ne është të ketë marrëveshje midis forcave politike për reformat madhore të domosdoshme në vend për anëtarësimin në BE dhe dakordësi në gjirin e klasës politike për këtë qëllim. Në Shqipëri, integrimi europian nuk është vënë kurrë në dyshim dhe vijimi me reformat në Kuvendin e Shqipërisë dhe nga qeveria shqiptare ka qenë i qëndrueshëm. Shpresoj, që vendi mund të vazhdojë në këtë rrugë”, u shpreh ai.

Varhely theksoi për "Abc News" se integrimi me të drejta të plota do të ndodhë kur Shqipëria ta meritojë një gjë të tillë.

“Subjekti është i njëjtë: si dhe kur këto vende mund të zbatojnë legjislacionin e Bashkimit Europian, për çfarë investimesh ato do të kenë nevojë që kjo të realizohet dhe kur do të përafrohen totalisht me rregullat dhe vlerat e Bashkimit Europian. Pra, nuk shoh diferencë midis tyre. Prandaj, procesi është i bazuar në meritë. Kryqëzoj gishtat për Shqipërinë që vendi të ecë përpara. E shoh impaktin pozitiv të hapjes së negociatave në vend dhe shpresoj, që vendi të ecë edhe më shpejt drejt BE-së”, nënvizoi ai./ B.A. – CNA.al





Lajmet e fundit nga