LEXO PA REKLAMA!

SHKARKO APP

Vrasja e policit/ Rama: Këmbanë alarmi,, thirrje komunitetit euroatlantik

2023-09-24 12:35:00, Aktualitet CNA

Vrasja e policit/ Rama: Këmbanë alarmi,, thirrje komunitetit

Kryeministri Edi Rama ka reaguar për vrasjen e policit në Leposaviq.

Numri një i qeverisë është shprehur se kjo është një këmbanë alarmi për rrezikun e vazhdueshëm të eskalimit të krizës së zgjatur në një konflikt të armatosur..

Rama bën thrrije të mblidhet Komuniteti euroatlantik dhe të ulë në tryezë Kosovës dhe Serbinë.

Gjithashtu ka bërë thirrje për mbajtjen e një konference të jashtëzakonshme paqeje, nën mbikqyrjen e garancinë e Bashkimit Europian dhe Shteteve të Bashkuara, e njëkohësisht marrja e të gjitha masave të jashtëzakonshme  me KFOR-in, për moslejimin e eskalimit të mëtejshëm të situatës,

“Tragjedia e humbjes së jetës së efektivit të Policisë së Kosovës është këmbana më e madhe e alarmit deri më sot për rrezikun e vazhdueshëm të eskalimit të krizës së zgjatur në një konflikt të armatosur. Kriminelët që i morën jetën një njeriu të pafajshëm, i cili shërbente nën uniformën shtetëtore të forcave të rendit të Republikës së Kosovës, duhet të dalin përpara drejtësisë.

Komuniteti euroatlantik duhet të mbledhë të gjithë forcën e tij imponuese dhe të ulë pa kthim, Kosovën dhe Serbinë në tryezën e Dialogut të Normalizimit.

Thirrja e një konference të jashtëzakonshme paqeje, nën mbikqyrjen e garancinë e Bashkimit Europian dhe Shteteve të Bashkuara, e njëkohësisht marrja e të gjitha masave të jashtëzakonshme  me KFOR-in, për moslejimin e eskalimit të mëtejshëm të situatës, janë një domosdoshmëri strategjike jo vetëm për rendin e sigurinë në Kosovë sot, po edhe për paqen e të ardhmen e rajonit nesër, përpara sesa kriza e zgjatur në Veriun e Kosovës të dalë jashtë kontrollit e të kthehet në një zjarr destabilizues për krejt rajonin”, shkruan Rama./ CNA

Lajmet e fundit nga