web counter
LEXO PA REKLAMA!

SHKARKO APP

App Store
Google Play

Votimi për kolegun, shkelje e rëndë e Rregullores së Kuvendit/ Nenet që “theu” deputeti socialist

2023-02-02 19:50:00, Aktualitet CNA
Votimi për kolegun, shkelje e rëndë e Rregullores së
Deputeti i Partisë Socialiste, Baftjar Zeqaj

Një shkelje e rëndë e rregullores së Kuvendit është bërë ditën e sotme nga deputeti i Partisë Socialiste, Baftjar Zeqaj.

Siç raportoi edhe më parë CNA, në seancën plenare, Zeqaj votoi projektligjet për vete dhe për kolegun e tij që nuk ka qenë prezent.

Por me këtë sjellje, deputeti socialist ka shkelur disa nene.

Konkretisht Neni 57 i rregullores së Kuvendit që dikton të drejtën e votimit ndalon delegimin e votës.

Votimi për kolegun, shkelje e rëndë e Rregullores së

Gjithashtu, Neni 7 i Kodit të Sjelljes së deputetit e trajton votimin për të tjerë, si shkelje të rëndë të sjelljes.

“Votimi për të tretët

1.Gjatë votimit në Kuvend dhe në komisione, deputeti ndalohet të votojë në emër të një kolegu tjetër, i cili nuk është i pranishëm në sallë.

2. Deputeti që nuk është i pranishëm në procesin e votimit, ndalohet që t’i delegojë votën e tij një kolegu.

3. Votimi për të tretët konsiderohet shkelje e rëndë e Kodit të Sjelljes së Deputetit dhe e Rregullores së Kuvendit”, thuhet në nenin 7.

Votimi për kolegun, shkelje e rëndë e Rregullores së

Edhe Neni 63 i Rregullores së Kuvendit i dënon shkeljet e rënda me përjashtim deri në 10 ditë.

Votimi për kolegun, shkelje e rëndë e Rregullores së

Pra, deputeti Baftjar Zeqaj “ka shkelur me këmbë e duar” Rregulloren e Kuvendit, duke votuar në mënyrë të paprecedentë për dy persona në seancë plenare./ CNA.al





Lajmet e fundit nga