web counter
LEXO PA REKLAMA!

SHKARKO APP

App Store
Google Play

E fundit!

x

“Skenar i përbashkët me Butrintin”/ Deputetja e PD-së: Plane për ndërtime në Drilon

2023-02-20 09:52:00, Aktualitet CNA
“Skenar i përbashkët me Butrintin”/ Deputetja e
Foto ilustruese

Deputetja e PD-së, Ina Zhupa ka denoncuar përmes rrjeteve sociale, se po përgatiten plane ndërtimi dhe shkatërrimi në zonën Drilon Tushemisht.

Sipas Zhupës, ky skenar i qeverisë ka pika të përbashkëta me çështjen e Butrintit, ku ndër to ka renditur tentakulat e AADF, moskokëçarja dhe injorimi i kërkesave të UNESCO-s, përdorimi i metodës së copëzimit të mbrojtjes, shkatërrimi pa asnjë keqardhje i pasurisë dhe trashëgimisë kombëtare me rëndësi botërore.

“Zona e rëndësisë kombëtare Drilon- Tushemisht buzë liqenit të Ohrit përgatitet plani për ndërtime dhe shkatërrimin e tij.

Asgjë e papritur nga modeli i keqmenaxhimit që njeh qeveria shqiptare dhe në veçanti Ministria e Kulturës, ku edhe në investigimin e BIRN dallojnë përgjigjet “pa këmbë në tokë” të gjuhës nënvlerësuese për UNESCO-n.

Skenari ka shumë pika të përbashkëta me Butrintin:

1- Tentakulat e AADF (fondacion privat dhe interesa private)

2- Moskokëçarja dhe injorimi i kërkesave të UNESCO-s, duke e konsideruar si dorë të dytë (këshilluese që nuk e dëgjon njeri)

3- Përdorimi i metodës së copëzimit të mbrojtjes, duke hequr zona të tëra nga mbrojtja dhe duke i destinuar për  ndërtime.

4- Shkatërrimi pa asnjë keqardhje i pasurisë dhe trashëgimisë kombëtare me rëndësi botërore”, shkruan Zhupa./ CNA.al





09:34 TODAY Agim Xhafka

That December morning

When I was a village teacher in those years, on Monday...

Lajmet e fundit nga