web counter
LEXO PA REKLAMA!

SHKARKO APP

App Store
Google Play

Protestë dhe bojkot të mësimit/ Ministrja Kushi kërkon dialog me pedagogët

2022-10-15 15:15:00, Aktualitet CNA

Protestë dhe bojkot të mësimit/ Ministrja Kushi kërkon

Ministrja e Arsimit Evis Kushi ka dhënë një mesazh sot për pedagogët.

Këta te fundit kanë parajmëruar vazhdim të protestave dhe bojkotim të mësimit deri në plotësimin e kërkesave për rritje paga.

Gjatë fjalës së saj në ceremoninë e diplomimit të studentëve të Universitetit të Sporteve të Tiranës, ajo ka kërkuar dialog me pedagogët.

 “Shpeshherë gjendemi përballë sfidave të vështira. Shpeshherë kemi debate me njëri-tjetrin. Shpeshherë kemi mosdakordësi. Por në vend që të konfrontohemi unë besoj që zgjidhja më e mirë është që ne të ulemi bashkërisht pikërisht me frymë konstruktive me frymë dialogu me frymë ndershmërie, dhe duke mirëkuptuar njëri-tjetrin. Duke mirëkuptuar kushtet reale dhe burimet që kemi në dispozicion,” ka thënë Kushi.

Nga 7 përqind, rritje page kjo që ka hyrë në fuqi, sipas Kushit do të shkojë në 15 përqind.

 “Ne do të punojmë edhe për të mbështetur kërkimin shkencor, edhe për infrastrukturën e kërkimit shkencor. Por ndërkohë do të kërkoja dhe nga ju sa më shumë përkushtim, sa më shumë përpjekje të përbashkëta, sa më shumë angazhim, në mënyrë që të gjejmë zgjidhje për çdo shqetësim, për çdo problematikë që kemi. Të bëjmë më të mirën për studentët tanë,” u shpreh më tej”, tha ajo./CNA.al





Lajmet e fundit nga