web counter
LEXO PA REKLAMA!

SHKARKO APP

App Store
Google Play

E fundit!

x

Për herë të parë në Shkodër/ Mesazhi i Kryepiskopit Joan: Pa Zotin nuk ndërtohet asgjë, çdo porosi e Tij është për të mirën tonë

2025-12-21 10:25:00, Aktualitet CNA

Për herë të parë në Shkodër/ Mesazhi i

Kryepiskopi Joan ndodhet ditën e sotme në Shkodër, ku po drejton meshën e të dielës para Krishtlindjes në kishën “Lindja e Krishtit”. Gjatë predikimit, Fortlumturia e Tij ka dhënë mesazhe të forta për rëndësinë e Zotit në jetën e çdo personi.

Kryepiskopi tha se pa praninë e Perëndisë nuk mund të ndërtohet asgjë, ndërsa theksoi se Zoti erdhi për të ngritur natyrën njerëzore që sot ka rënë. Nëse do ndjejmë praninë e Zotit në jetën tonë, Fortlumturia e Tij theksoi se çdo gjë fillon të ndryshojë për mirë.

“Kreshma 40-ditore nuk është çështje diete. Kreshmi më i rëndësishëm është ai shpirtëror. Sytë mos shohin skena të pahijshme, veshët mos dëgjojnë thashetheme dhe shpifje, goja të jetë e pastër mos përhapi përgojime. Mos të lajmë vetëm rrobat nga jashtë, por të lajmë rrobat e shpirtit.

Zoti lindi në mish. Perëndia erdhi dhe u bë si njëri nga ne për shpëtimin tonë. Zoti erdhi për shëruar të gjithë, të drejtë dhe të padrejtët. Për të përfshirë gjithë natyrën njerëzore, sepse shikojmë rënien e saj. Historia ishte e shkurtër por shumë kuptimplotë. Njeriu u shkëput nga Perëndia. Mendoi se mund të bëhet si Perëndia, pa Perëndinë. Kjo ishtë gënjeshtra që ka vijuar vazhdimisht. Çdo gjë që njerëzit kanë bërë për të ndërtuar dicka të lumtur pa Perëndinë, ka bërë të kundërtën e saj.

Pa Zotin nuk mund të ndërtohet asgjë. Ungjilli që lexojmë ne na kujton se njerëzit duke u shkëputur nga Zoti, u ndryshua dhe natyra njerëzore. Zoti erdhi për të ringritur natyrën njerëzore të rënë. Nëse do e ndjejmë këtë në shpirtin tonë, jeta jonë do të fillojë të ndryshojë. Të gjithë porositë që jep Zoti janë për të mirën tonë. Shumë pengesa nuk janë për të penguar lirinë tonë, po për të na siguruar lirinë tonë. Një i krishterë vetëm për vete nuk është i krishterë. Familja është bërthama e komunitetit. Duke qenë qenie komunitare kemi përgjegjësi për njëri tjetrin. Ne kemi përgjegjësi edhe për jetët e atyre afër nesh”, u shpreh Fortlumturia e Tij, Joan. /CNA





Lajmet e fundit nga