web counter
LEXO PA REKLAMA!

SHKARKO APP

App Store
Google Play

Pas satelitëve edhe dronë të armatosur/ Rama: Do të luftojmë terrorizmin

2022-09-29 10:49:00, Aktualitet CNA

Pas satelitëve edhe dronë të armatosur/ Rama: Do të

Kryeministri Rama pas nënshkrimit të kontratës për shërbimin satelitor, ka çucitur kur ka deklaruar se në këtë mënyrë do të mbahen nën kontroll ndërtimet pa leje.

Sipas tij me satelitët nuk do ketë mundësi të ndërtohen kate pa leje.

“Satelitët kanë kapacitetin të shohin çdo volum të ngritur në sipërfaqen e tokës në një perimetër që mblidhet 70 cm. Ne do të krijojmë një bazë të dhënash të rëndësishme që do na japin mundësi të bëjmë shumë analiza dhe në funksion të programimit për të nesërmen. Të gjitha do t’i kemi në një pasqyrë, të vëna para nesh në mënyrë të përditësuar. Do të ketë shumë sy mbi territor dhe do të jetë e pamundur që sytë ekskluzivë të monitoruesit të territorit t’i shesin shtetit një informacion të gabuar duke bërë letra false”, është shprehur Rama.

Përveçse me satelitë, Shqipëria do të pajiset, sipas Ramës me dronë të armatosur, që do të përdoren për raste ekstreme.

“Satelitët shumë shpejt do të pasohen nga dronët. Ne kemi vendosur t’i kompletojmë dhe të marrim dronë të armatosur. Natyrisht janë për rast ekstrem kundër terrorizmit apo një armiku potencial, por dronët kanë një tërësi funksionesh në përputhje me satelitët”, ka thënë Rama./CNA.al





Lajmet e fundit nga