web counter
LEXO PA REKLAMA!

SHKARKO APP

App Store
Google Play

E fundit!

x

Padi në SPAK për pronat, pasurimin dhe shpenzimet e Ramës

2024-06-03 14:06:00, Aktualitet CNA

Padi në SPAK për pronat, pasurimin dhe shpenzimet e Ramës

Aktivistja Adriana Kalaja ka paditur në SPAK kryeministrin Edi Rama dhe bashkëshorten e tij.

Disa nga akuzat që ngre Kalaja kanë të bëjnë me truallin mbi të cilën është ndërtuar shtëpia e kryeministrit në Surrel.

Po ashtu një tjetër akuzë ka të bëjë me shpenzimet marramendëse që bëjnë kryeministri Edi Rama dhe bashkëshortja e tij.

Kalaja thekson se nuk ka asnjë informacion dhe se nuk bëhet transparencë sa u përket shumave marramendëse që shpenzohen nga numri një i qeverisë.  

“Fillimisht, pjesë e këtij kallëzimi është mënyra se si është përvetësuar prona në Surrel. Kemi evidentuar me fakte dhe prova se si janë falsifikuar shkresat, se si kjo tokë në një zonë të mbrojtur është marrë me dymijë lekë të vjetër për metër katror dhe është marrë duke falsifikuar dokumentet zyrtare nga vjehrra e një ish-zyrtari të PS, që sot është ambasador në Amerikë.

Nga ana tjetër, pjesë e këtij kallëzimi është dhe veprimtaria e paligjshme gjatë kësaj periudhe e bashkëshortes së kryeministrit Edi Rama dhe këto janë fiks në të njëjtën linjë, pra me të njëjtin precedent siç është bërë edhe për tokën e bashkëshortit të ministres Olta Xhaçka.

Është një shkresë e vitit 2008, ku Lindita Xhillarri, sot Lindita Rama, është interesuar për të njëjtën pronë për të cilën pastaj, me falsifikime me ushtrim të ndikimit të paligjshëm e kanë bërë si tokë arë që është ndarë me ligjin 7501.

Pra sot, vila në Surrel është ndërtuar pikërisht mbi këtë pronë që është interesuar Lindita Xhillari, sot Lindita Rama, në vitin 2008.

Nga ana tjetër kemi evidentuar se si prefektura, qoftë e kohës në vitin 2012, qoftë prefektura gjatë fillimeve të qeverisjes së Edi Ramës, e ka evidentuar si tokë të marrë në kundërshtim me ligjin. Ka marrë dhe vendim për anulimin e ATMP-ve dhe vjen një moment shumë i çuditshëm në sistemin e drejtësisë “së re” të ngritur nga rilindja, ku me urdhër të Artan Lames, juristja heq dorë nga gjykimi pa paraqitur asnjë provë të re.

Momenti i dytë që kemi ngritur në këtë padi të re është momenti që lidhet me shpenzimet marramendëse që Edi Rama me bashkëshorten e tij, qoftë edhe më vëllanë e tij dhe me Sekretarin e Përgjithshëm bëjnë dhe ne nuk kemi asnjë informacion kush i paguan këto shpenzime.

Momenti më i fundit, është prania e tyre në stadium në ndeshjen finale të Champsions-it bashkë me bashkëshorten duke mos dhënë asnjë transparencë, asnjë informacion për publikun se kush i paguan këto shpenzime marramendëse.

Dhe pjesa e tretë që kemi ngritur në këtë kallëzim ka të bëjë me denoncimin nga 'RAI3'...”, tha Kalaja./ CNA





Lajmet e fundit nga