web counter
LEXO PA REKLAMA!

SHKARKO APP

App Store
Google Play

Ministrja heq drejtoreshën/ Mbledh stafin, nuk zgjidh problemet

2024-03-25 13:04:00, Aktualitet CNA

Ministrja heq drejtoreshën/ Mbledh stafin, nuk zgjidh problemet

Në orën 14:00 ministrja e Shëndetësisë, Albana Koçiu ka njoftuar shefat e shërbimeve të QSUT-së për të mbajtur një takim.

Takimi vjen pasi është hequr nga detyra drejtuesja e QSUT-së Albana Fico, ku gjatë viteve të drejtimit të saj QSUT është më keq se kurrë.

Gjatë këtij takimi pritet të bëhet dhe emërimi i drejtuesit të ri të QSUT-së.

Por ajo që duhet të theksojmë në këtë pikë është se problemi nuk qëndron tek takimi por kur do të fillojë të punojë urgjenca e Hemodinamikës.

U bënë 7 javë dhe situata është skandaloze pasi urgjenca e Hemodinamikës është jashtë funksionit.

Por duhet të theksojmë se, përgjegjësi kanë të gjithë personat pjesë e këtij sektori pasi nuk kanë marrë asnjë masë për të rikthyer funksionale urgjencën e Hemodinamikës.

Pas 7 javësh situata në Urgjencën e QSUT-së mbetet kaotike, pasi nuk ka asnjë zgjidhje nga autoritetet për qytetarët që shkojnë për të marrë ndihmën e shpejtë në këtë spital.

Nga ana tjetër, ministrja Albana Koçiu bën propaganda për shërbime që nuk jepen dhe nuk zgjidh problemet shqetësuese me të cilat po përballen qytetarët dhe mjekët, të cilët vërdallisen nëpër spitalet e tjera të kryeqytetit.

Ndërkohë, Albana Fico ka lënë të shkatërruar institcuionin duke lënë probleme të thelluara të krijuara pas situatës me zjarrin.

Kunata e Bledi Çuçit dhe ish-kunata e Edi Ramës është shembulli si dështohet duke dëmtuar themelet e një institucioni që po ngrihet me shumë mund, problematika e përpjekje./ CNA





Lajmet e fundit nga