web counter
LEXO PA REKLAMA!

SHKARKO APP

App Store
Google Play

Kontrollet e vonuara në banesat e Ervis Martinajt/ Çuçi ia lë topin Policisë

2023-01-11 13:56:00, Aktualitet CNA

Kontrollet e vonuara në banesat e Ervis Martinajt/ Çuçi ia

Ministri i Brendshëm, Bledi Çuçi është pyetur sot nga gazetarët rreth fatit të Ervis Martinajt, i cili rezulton i zhdukur që nga muaji gusht.

Çuçi ka folur për aksionin e policisë në banesën e Martinajt në Fushë-Kuqe dhe jo vetëm.

Por pa mbajtur asnjë lloj përgjegjësie për veten në lidhje me kontrollet e vonuara apo me dy standarte.

“Në lidhje me pjesën e kontrolleve dhe reagimeve procedurale pas kontrolleve, besoj se Policia e Shtetit e ka kapacitetin e duhur për të zbatuar legjislacionin shqiptar në lidhje me këtë gjë.

Ju keni konstatuar diçka, unë se di se ku është fakti këtu. Të jeni të bindur që policia e shtetit bën maksimumin që nga pikëpamja procedurale të jetë çështja e kopsitur.

 Kështu që është për këtë….se di se ajo është punë e policisë së Shtetit dhe jo e Ministrit të Brendshëm.

Të jeni të sigurt se për çdo veprim, kujdesi është që nga pikëpamja procedurale të jetë e kopsitur në mënyrë që gjykata e parë dhe deri te Gjykata e Lartë, mos të prishet si veprim apo të bëhet nul. Edhe në këtë rast duhet të jetë dhe ky kujdes ndaj procedurës. Është policia që po i merr këto aksione dhe ata mund ta zbardhin”, ka thënë Çuçi./CNA.al





Lajmet e fundit nga