web counter
LEXO PA REKLAMA!

SHKARKO APP

App Store
Google Play

E fundit!

x

Emërimi i kreut të SPAK-ut dhe mosfunksioni i SHIK-ut dhe gjykatave/ Topalli radhit dështimet e reformës në drejtësi

2022-12-24 09:32:00, Aktualitet CNA

Emërimi i kreut të SPAK-ut dhe mosfunksioni i SHIK-ut dhe gjykatave/

Ish-Kryeparlamentarja Jozefina Topalli ka komentuar zgjedhjen e kreu të SPAK-ut, Altin Dumani, mënyrën se si u zgjodh.

Topalli është rikthyer pas, në ditën e intervistimit të kandidatëve në KLP, kur në sallë shkoi ambsadorja amerikane Yuri Kim.

 “Çudira të mëdha ndodhin në Shqipëri. A dini ju ndonjë vend të botës që ambasadori të shkojë direkt sapo nisin zgjedhjet për kreun e SPAK, që duhet të bëhen me votim të fshehtë, por bëhen me votim të hapur”, është shprehur Topalli për gazetaren Merita Haklaj.

Topalli është ndalur më tej edhe institucioni i SHIK-ut, drejtuesi i së cilit, kishte ikur me studime dhe një ditë më parë u liruar nga detyra me dekret të Presidentit Bajram Begaj.

“A dini ndonjë vend të botës ku kryetari i SHIK-ut ikën një vit me studime dhe këtu shërbimet e inteligjencës në kohë lufte nuk janë në shërbim. A di ndonjë vend tjetër të botës që ka qëndruar gati dy vite pa Gjykatë Kushtetuese. A di ndonjë vend që nuk ka fare gjykatë të parë, sepse nuk funksionon as Administrativja, as Gjykata e Lartë. A mund të më thotë kush se vërtet e beson se Reforma në Drejtësi ka funksionuar. Po nuk gënjehet kështu. Ky është një eksperiment i pamerituar për shqiptarët, me pasoja të rënda për vendin tonë, ky është realiteti”, është shprehur më tej Topalli./CNA.al

 





Lajmet e fundit nga