Tomorri nxjerr hartën e sulmeve kibernetike/ Mesazh qytetarëve: Paratë janë më të sigurta në bankë

2022-12-23 21:10:00, Aktualitet CNA

Tomorri nxjerr hartën e sulmeve kibernetike/ Mesazh qytetarëve:

Gazetari Klodian Tomorri

Gazetari Klodian Tomorri ka reaguar pas njoftimit të Bankës Credins se ka rënë pre e një sulmi kibernetik, ndërsa siguroi klientët se llogaritë e tyre janë të sigurta.

Në një status në rrjetet sociale, Tomorri ka publikuar hartën e sulmeve kibernetike mbi bankat.

Ai thotë se bankat në të gjitha vendet e botës hasen me sulme kibernetike, por thekson se nuk është e lehtë që hakerat të prekin paratë e qytetarëve.

Ndaj gazetari deklaron se paratë e qytetarëve shqiptarë janë në bankë dhe nuk i ka marrë askush dhe kushdo mund të tranferojë normalisht para apo të kryejë pagesa në çdo bankë.

Sipas tij, paratë janë më të sigurta në bankë se sa në shtëpi.

Tomorri nxjerr hartën e sulmeve kibernetike/ Mesazh qytetarëve:

“Nuk merren paratë aq kollaj nga bankat.

Kjo është harta e sulmeve kibernetike mbi bankat. Praktikisht bankat sulmohen në të gjitha vendet e botës, çdo ditë nga hackerat. Por nuk ndodh që t’u merren paratë. Sepse po të ishte aq e lehtë, sot nuk do kishte më asnjë bankë në botë.

Shqipëria nuk bën përjashtim nga bota. Bankat shqiptare janë sulmuar në të kaluarën dhe do të sulmohen edhe në të ardhmen, ndoshta edhe më shumë. Kjo histori është kudo tani.

Njerëzit kanë të drejtën e tyre të shqetësohen. Por paratë në bankë janë më të sigurta se kudo tjetër.

Ata që shtyjnë apo besojnë këto informacionet, që jo po janë zeruar llogaritë, jo po janë marrë paratë, krijojnë një panik totalisht të panevojshëm, i cili shkaton vetëm dëm dhe nuk i bën mirë askujt.

Banka Credins qetëson klientët/ "Llogaritë dhe asetet tuaja janë të sigurta"
23 Dhjetor, 17:28

Edhe në sulmin e fundit ndaj Bankës Credins filluan të përhapnin nga këto lajmet kështu. Por Credins ka qenë në aktivitet të plotë që ditën e parë të sulmit.

Të gjitha ATM-të dhe degët e bankës kanë qenë të hapura dhe kanë vazhduar aktivitetin në të gjithë Shqipërinë. Njerëzit kryejnë veprime normalisht në çdo degë, transferojnë para, bëjnë pagesa. A mundet dot një bankë të punojë nëse i kanë bërë dëm me të vërtetë me sulm kibernetik?

Bankat në Shqipëri përballuan pa asnjë problem panikun financiar të vitit 2008, kur u turrën njerëzit të tërhiqnin paratë masivisht. Do u dëmtokan nga sulmet kibernetike.

Do ketë më shumë sulme ndaj bankave në të ardhmen. Por paratë do jenë aty. Ndaj edhe ne duhet të mësohemi me këtë sepse nuk ka nevojë për panik fare. Vendi më i sigurtë i parave janë gjithmonë bankat. Po i mbajte poshtë jastëkut të kap hajduti pse Spaku”, nënvizon gazetari./ B.A. – CNA.al