web counter
LEXO PA REKLAMA!

SHKARKO APP

App Store
Google Play

Drejtoresha e AKSHI-t zbardh detaje/ Cili ishte objektivi i vërtetë i sulmit kibernetik

2022-07-29 17:22:00, Aktualitet CNA
Drejtoresha e AKSHI-t zbardh detaje/ Cili ishte objektivi i vërtetë i
Drejtoresha e AKSHI-t, Linda Karcanaj

Drejtoresha e AKSHI-t, Linda Karcanaj, ka treguar se synimin e personave që fshihen pas sulmit kibernetik që paralizoi shërbimet online në platformat qeveritare.

Karcanaj tha në një deklaratë për shtyp se objektivi i vërtetë i sulmit ishte fshirja e të gjitha sistemeve kritike qeveritare.

Ajo tregoi se falë reagimit të shpejtë nuk pati humbje të dhënash, pasi u krye izolimi i menjëhershëm i tyre.

“Pas 14 ditësh pune të pandërprerë nga ekipi i AKSHI-t, u bë e mundur që edhe administrata publike t’i kthehet normalitetit. Përgjigja e AKSHI-t ka qenë në dy fronte, rikuperimi i të gjitha sistemeve kritike qeveritare dhe paralelisht edhe izolimi i aktivitetit keqdashës. Ky sulm nuk kishte ndodhur ndonjëherë në historinë e vendit tonë. Llojet e sulmit ishin dy. Aktiviteti i parë nisi në formën e një sulmi ramsomware. Objektivi i vërtetë i sulmit ishte fshirja e të gjitha sistemeve kritike qeveritare. Falë reagimit të shpejtë nuk pati humbje të dhënash. Pavarësisht se sulmi ishte i një shkalle të lartë, u krye izolimi i menjëhershëm i tyre. Sistemet u verifikuan një nga një që të ishin të sigurt para se të ktheheshin online dhe në funksionalitet. Falë punës të AKSHI-t, që këto javë nuk kanë vënë gjumë në sy, kemi këtë status: faqet zyrtare të ministrive dhe sistemi i fiskalizimit u rikthyen në funksion të plotë brenda 12 orësh nga sulmi, Drejtoria e Doganave, Agjencia Kombëtare e Barnave. Mund të them që mbi 98% e shërbimeve online janë tashmë funksionale. E-albania u kthye në funksion”, u shpreh ajo./ B.A. – CNA.al





Lajmet e fundit nga