E fundit!

13:43 POLITICS

Rama "shoots" the ministers

Prime Minister Edi Rama, at a meeting of the Socialist Par...

Denoncon “New York Post”/ Kush ndikoi në shpalljen non-grata të Berishës

2023-01-25 11:24:00, Aktualitet CNA

Denoncon “New York Post”/ Kush ndikoi në shpalljen

“New York Post”, ka hedhur dritë se si u arrrit te futja në listë të zezë e Sali Berishës.

Gazetari i njohur, Matt Palumbo ka dhënë detaje ndërsa ndërsa ka denoncuar ndikimin e miliarderit kontrovers George Soros në politikën amerikane dhe globale.

Sipas Palumbo, George Soros ka më në fund një president amerikan që mund ta kontrollojë.

Në një shkrim të publikuar ditën e sotme, Palumbo shkruan, se lidhjet më të forta me Sorosin i ka Sekretari i Shtetit, Antony Blinken.

Sipas tij ishin pikërisht këto lidhje, arsyeja pse një ndër veprimet e para të Blinken shpallja non grata e Sali Berishës, kreut të PD-së.

“Sekretari i Shtetit, Antony Blinken, ka pa dyshim lidhjen më të fortë me Sorosin. Babai i Antony, Donald Blinken dhe gruaja e tij, Vera, financuan Arkivat e Shoqërisë së Hapur të Vera dhe Donald Blinken në Universitetin e Evropës Qendrore, i cili strehon një koleksion dixhital të dokumenteve historike hungareze. Në një raport të Rrjetit të Fondacioneve Soros nga viti 2002, Donald Blinken renditet në Bordin e Administratorëve të UVQ, i treti pas Sorosit (kryetarit) dhe Aryeh Neier, duke nënkuptuar se ai mban në post të lartë në renditje.

Blogu i përditshëm ‘Spektri Hungarez’, i cili krenohet me Sorosin mes donatorëve të tij, e promovoi Blinkenin si një kandidat të mundshëm për Sekretar Shteti pas zgjedhjeve të vitit 2020, për shkak se ‘Hungaria nuk do të harrohet në katër apo tetë vitet e ardhshme në Uashington’. Pasi Blinken u konfirmua si Sekretar i Shtetit, gazeta hungareze ‘Magyar Nemzet’ e quajti këtë një ‘lajm të madh për George Soros’.

Dhe në të vërtetë kështu ishte, pasi një nga veprimet e para që Blinken bëri pasi mori pozicionin e tij ishte sanksionimi i një kritiku prej shumë kohësh të Sorosit. Në maj të vitit 2021, Blinken shpalli sanksionet kundër një ish-presidenti dhe ish-kryeministri shqiptar, Sali Berisha, duke pretenduar për ‘korrupsion të rëndësishëm’ dhe i ndaloi atij, gruas dhe fëmijëve të tij, hyrjen në Shtetet e Bashkuara.

Sotos dhe Berisha kanë shkëmbyer publikisht goditje edhe më parë, me Berishën që e kishte vënë nën kritika për vite me radhë, duke e quajtur Sorosin mes të tjerash një manipulues që ka kryer akte mafioze në Shqipëri.

Kongresmeni republikan, Lee Zeldin nuk mund të mos e vinte re se sanksionet sikur dolën nga hiçi, dhe kur ai mori në pyetje Blinken për këtë gjë, Sekretari i Shtetit mohoi që kishte kontakte me Soros në lidhje me sanksionet, por la të hapur mundësinë që ‘dikush’ në Departamentin e Shtetit mund të ketë.

Kur Zeldin u përpoq që të kërkonte më shumë informacione nga Departamenti i Shtetit, ata shkëputën çdo komunikim me të”, thuhet në shkrim./CNA.al