web counter
LEXO PA REKLAMA!

SHKARKO APP

App Store
Google Play

Dekonspirimi i agjentëve SHISH/ Karamuço: Rrezikohet jeta e tyre

2022-11-04 14:40:00, Aktualitet CNA

Dekonspirimi i agjentëve SHISH/ Karamuço: Rrezikohet jeta e tyre

Eksperti i kriminalistikës, Ervin Karamuço, ka komentuar publikimin e të dhënave të hakeruara mbi agjentët e SHISH.

Sipas tij, çështja është shumë e rëndë dhe do një hetim të thelluar.

Në studion e “MCN live”, Karamuço u shpreh se kjo është ndër ngjarjet më të rënda që SHISH ka pasur që pas vitit 1997.

“Të hakerohet edhe SHISH, kjo ishte një nga dy institucionet që unë nuk e besoja se do të dali.

Është e vërtetë që ajo që kemi parë është një listë e vjetër , listë mjaft sensitive, informacionet nuk janë të përditësuara, por që të dalin emrat e rrjetit informativ, kjo është gjë shumë  e rëndë, gjë qe duhet hetuar.

Dikush duhet të kërkoj falje, se pse nuk është pranuar që në fillim, duhet transparencë që edhe kur të presim të tilla gjëra të mos habitemi më.

Të kanë hyrë në një sistem për të cilën paguajmë, ajo është pasuri kombëtare, ata kanë cenuar pasurinë kombëtare.

Është bërë publike tashme gjithçka, të gjithën dimë emrat, është ndër ngjarjet më të rënda që SHISH ka pasur që nga viti ’97”, u shpreh Karamuço.

Karamuço, thotë më tej  se kemi demaskim të njerëzve të SHISH nga grupe të rrezikshme dhe në këto rrethana ju rrezikohet jeta dhe pasuria.

“Këta duhet të merren në mbrojtje të gjithë, sidomos civilët, se të tjerëve e kanë detyrim tu sigurohet jeta, por civilëve tu garantohet fshehtësia e identitetit në një formë apo mënyre tjetër, ku është menaxhimi i dëmit, pra nuk ka më mbrojtje, ka dëm, ky dëm duhet menaxhuar.

Përderisa e kanë marrë këtu, d.m.th. qe mund të marrin çdo gjë tjetër. Edhe pse asnjëherë nuk do ta dimë nëse janë përditësuar emrat, ata janë pjesë e enjë rrjeti që ka funksionuar dhe ekspozimi i tyre është me rrezik”,ka thënë më tej ai./CNA.al





Lajmet e fundit nga