web counter
LEXO PA REKLAMA!

SHKARKO APP

App Store
Google Play

E fundit!

x

Celibashi, në zyrën e Begajt/ Presidenti “u tregon ligjin” partive politike

2023-01-16 16:13:00, Aktualitet CNA

Celibashi, në zyrën e Begajt/ Presidenti “u tregon ligjin”

Presidenti i Shqipërisë, Bajram Begaj, zhvilloi një takim ditën e sotme me kreun e KQZ-së, Ilirjan Celibashi, lidhur me zgjedhjet vendore të 14 majit.

Nëpërmjet një postimi në rrjete sociale, Begaj ka bërë të ditur zhvillimin e takimit dhe shkruan se është biseduar lidhur me domosdoshmërinë që ka zbatimi i Kodit Zgjedhor gjatë procesit të zgjedhjeve dhe udhëzimet e KQZ-së për të gjitha institucionet qendrore dhe vendore.

Ndër të tjera ai u ka bërë thirrje publike subjekteve të këtij ligji që të zbatohet me përpikmëri dhe korrektësi procesi zgjedhor.

”Ftova sot në Institucionin e Presidentit të Republikës, Kryetarin e Komisionit Qendror të Zgjedhjeve, z. Ilirjan Celibashi për të diskutuar mbi përgatitjet e procesit zgjedhor për zgjedhjet vendore të 14 majit 2023. Gjithashtu vura theksin për rëndësinë që kanë këto zgjedhje jo vetëm si mundësi e mirëpritur për të shprehur vullnetin politik, por edhe si provë e rëndësishme maturie për vetë sistemin tonë demokratik.

Në bisedën me zotin Celibashi u ndala në domosdoshmërinë që ka zbatimi i Kodit Zgjedhor dhe udhëzimeve të KQZ-së nga të gjitha institucionet qendrore dhe vendore me detyrimin për të mos përdorur veprimtaritë dhe burimet publike në mbështetje të subjekteve zgjedhore dhe kandidatëve të tyre në fushatë.

Gjej rastin t'i bëj thirrje publike të gjitha subjekteve të këtij ligji që ta zbatojnë atë me përpikmëri dhe të inkurajoj KQZ-në për një monitorim e zbatim korrekt të tij. Të gjithë shqiptarët dëshirojnë një garë të ndershme dhe të barabartë të kandidatëve në fushatë. Nëpërmjet zbatimit të ligjit ne ua garantojmë këtë", shkruan në postimin e tij./CNA.al

 





Lajmet e fundit nga