web counter
LEXO PA REKLAMA!

SHKARKO APP

App Store
Google Play

Berisha hedh hije dyshimi/ I drejton ‘gishtin’ qeverisë: Enver Sheshi u vra nga mafia e djegësave

2023-01-16 12:16:00, Aktualitet CNA

Berisha hedh hije dyshimi/ I drejton ‘gishtin’ qeverisë: Enver

Kryetari i Partisë Demokratike, Sali Berisha, ka hedhur akuza ndaj qeverisë në lidhje me Enver Sheshin, i arrestuar për aferën e inceneratorëve, i cili humbi jetën në spital pas një arresti kardiak.

Berisha ka drejtuar gishtin nga qeveria duke thënë se Sheshi u vra nga mafia e djegësave pasi vendosi të fliste.

"Enver Sheshi u vra nga mafia e djegësve pasi vendosi të fliste.Zhvillimet e ditëve të fundit faktojnë përfundimisht se ky është shteti i mafies, qeveria është mafia e shtetit.

Jam këtu për të denoncuar edhe njëherë, errësirën me të cilën qeveria përpiqet të mbulojë vdekjen e të ndjerit Enver Sheshi, arrestuar për aferën e inceneratorëve.

Menjëherë pas komunikatës zyrtare, e cila ngjallte më shumë dyshime se sqarime, një breshëri mesazhesh nga qytetarët vërshuan, të cilët shprehnin dyshime dhe bindje se i ndjeri Enver Sheshi është viktimë e mafies qeveritare të djegësave.

Këto të dhëna, këto informata shtonin se Enver Sheshi, i arrestuar për një skemë të devijimit të parave të djegësve, kishte vendosur të fliste. Dhe pas kësaj, xhelati mafioz i kësaj afere të tmerrshme, e cila ka për kokë direkt, Edi Ramën, gjeti mënyrën sipas këtyre burimeve, ta çojë në botën tjetër, dëshmitarin e rrezikshëm", është shprehur Berisha në deklaratë për mediat./ CNA.al





Lajmet e fundit nga