web counter
LEXO PA REKLAMA!

SHKARKO APP

App Store
Google Play

Burgu i Peqinit, një kaos/ Gazetari: Të burgosurit kanë shërbëtorë dhe dhoma të personalizuara

2024-02-08 22:14:00, Aktualitet CNA
Burgu i Peqinit, një kaos/ Gazetari: Të burgosurit kanë
Gazetari Spartak Koka

Gazetari Spartak Koka ka treguar detaje nga situata në burgun e Peqinit, ku ai e përhskruan si një kaos.

I ftuar në emisionin Opinion në Tv Klan, gazetari bëri me dije se në regjimin 41 bis ka 23 të buirgosur sipas raportit.

“Kur e dëgjon drejtorin të duket një situatë ideale në burgjet. Por kur lexon këtë raport këtu… Drejtori tha 2 veta në 41 bis. Ky raport thotë në ambientet e regjimit 41 bis ndodhen të akomoduar 23 të burgosur, ky ambient është populluar pa asnjë urdhër me shkrim. Situata në burgun e Peqinit ka qenë në një kaos të vertetë.

Për t’u futur në 41 bis duhet të vijë kërkesa hga prokurori, të nënshkruhet nga ministri i Drejtësisë. 41 bisi është regjim i posaçëm ku të kufizon takimet me familjarët, 1 herë në muaj takim me familjarët, 1 bisedë me muaj me familjarët, ka një regjim të ndryshëm nga sa funksionon në sigurinë e lartë”, u shpreh Koka. 

Ndër të tjera theksoi se për disa të burgosur jeta nuk është aq e vështirë pasi kanë dhoma të personalizuar dhe shërbëtorë.

“Doktoresha tha 10 veta në dhomë në burgun e Shënkollit, ndërkohë burgu i Peqinit është kthyer burg privat me dhoma të personalizuara. Në burgun e Peqinit janë 160 shtretër bosh. Po t’ju them 2 emra, në burgun e Peqinit i kishin kthyer sektorë të personalizuar, zgjidhnin se me kë do rrinin, zgjidhnin se çfarë do hanin, kishin dhe shërbëtorë të burgosur të tjerë që ju shërbenin këtyre personave, një fenomen tjetër është ngujimi i të burgosurve. Kishte të burgosur të cilët kishin muaj që për pasiguri në burgje nuk dilnin nga dhomat sepse kërcënoheshin nga të burgosur të tjerë dhe që nuk ju garantohej siguria në burgje. Ka 30% më pak policë në burgje”, tha gazetari Spartak Koka./ CNA





Lajmet e fundit nga