Bashkia e Tiranës: Nuk e dimë ku ndodhet kapanoni i Big Brother

2023-02-23 11:37:00, Aktualitet CNA

CNA.al pak ditë më parë duke iu referuar një denoncimi raportoi se kapanoni i "Top Channel" ku po zhvillohet "Big Brother" mund të jetë ndërtuar pa leje.

Objekti i denoncuar ndodhet në adresën rruga “17 Nëntori”, Nr. 20, Mëzëz Kodër, Komuna Kashar, Tiranë dhe është i ndërtuar në vitin 2019.

Bashkia e Tiranës: Nuk e dimë ku ndodhet kapanoni i Big Brother

Kapanoni objekt është ndërtuar në vitin 2019 pa leje, në kohën që Top Channel drejtohej nga Ben Blushi dhe që sot është shtëpia e Big Brother.

Denoncimi/ A ka leje kapanoni i "Top Channel" ku zhvillohet "Big Brother"?
27 Dhjetor, 14:15

CNA.al ju drejtua me një shkresë zyrtare, Bashkinë së Tiranës dhe Inspektoriatit Kombëtar të Mbrojtjes së Territorit, duke e pyetur se a është pajisur me dokumentacionin ligjor objekti kapanon, në adresën, rruga 17 Nëntori, Nr,20, Mëzez, Komuna Kashar Tiranë.

Bashkia është përgjigjur duke thënë, se nuk e di ku është një objekt i tillë, nuk e di ku është ngritur.

“Bazuar në informacionin e vënë në dispozicion të vënë nga ana juaj, nuk mund të kryehet një verifikim i saktë. Për informacion më të saktë na vini në dispozicion, të dhënat e pasurisë për të cilën mund të jetë kërkuar leje për kryerje punimesh”, thuhet në përgjigjen e Bashkisë së Tiranës.

Bashkia e Tiranës: Nuk e dimë ku ndodhet kapanoni i Big Brother

Në shkresën tonë, ne kemi dhënë adresën se ku ndodhet objekti-kapanon, pasi ne nuk jemi institucioni i Hipotekës, apo Kadastra, që t’i vëmë në dispozicion Bashkisë së Tiranës, zonën kadastrale.

Nëse nuk ka leje, objekti, mund ta thonë që s’ka, nëse ka mund ta konfirmojnë dhe nuk ka asgjë për të stërzgjatur, nuk dimë, adresën apo duhet zona kadastrale.

IMKT nisi prishjen e ndërtimeve pa leje në të gjithë vendin, sigurisht në zbatim të ligjit, bëri një fushatë të egër, por dyshohet se po përdoren dy standarte.

U prish “Prestige Resort” i Irfan Hysenbelliu më pas u kalua tek hoteli i Shefqet Kastratit, tek prishja e pishinës apo edhe të qytetarëve të ndryshëm, duke prishur çati e gardhe, duke u thënë se po zbatohet ligji.

Bashkia e Tiranës: Nuk e dimë ku ndodhet kapanoni i Big Brother

Por për objektin-kapanon ku po zhvillohet Big Brother, IMT, Bashkia e Tiranës, nuk i kanë sytë dhe nuk merr asnjë hap as për ta verifikuar, duke pritur që mediat të bëjnë edhe rolin e hipotekës.

Në qoftë se nuk e dinë adresën, ta shikojnë Big Brother-in të martën dhe të shtunën se e tregojnë me dron ku ndodhen./CNA.al