web counter
LEXO PA REKLAMA!

SHKARKO APP

App Store
Google Play

Arrestimi i ish-policit serb/ Sveçla: Akuzohet për kryerjen e veprave terroriste

2022-12-10 18:06:00, Aktualitet CNA
Arrestimi i ish-policit serb/ Sveçla: Akuzohet për kryerjen e
Ministri i Punëve të Brendshme të Kosovës, Xhelal Sveçla

Ministri i Punëve të Brendshme të Kosovës, Xhelal Sveçla ka dhënë detaje të reja lidhur me arrestimin e ish-policit serb, Dejan Pantiç.

Me anë të një postimi në rrjete sociale, Sveçla ka treguar se ish-polici serb kishte organizuar sulmin terrorist në zyrat e Komisionit Komunal Zgjedhor në veri të Kosovës.

Ndër të tjera shtoi se Pantiç akuzohej për kryerjen e veprave terroriste dhe sulm kundër rendit kushtetues.

“Policia e Kosovës sot ka ndaluar në Pikën Kufitare në Jarinje ish zyrtarin policor, ish pjesëtarin e MUP-it i cili ishte integruar më parë në Policinë e Kosovës, Dejan Pantiç.

I ndaluari sipas dëshmive të Policisë së Kosovës ka organizuar sulmin terrorist në zyrat e KKZ-së në veri të vendit me ç'rast ishin sulmuar zyrtarët e KQZ-së dhe zyrtarët policor. Pantiç akuzohet për kryerjen e veprave terroriste dhe sulm kundër rendit kushtetues.

Grupe ekstremiste me qëllim të parandalimit të vendosjes së drejtësisë janë organizuar në bllokim të disa rrugëve dhe ngritje të barrikadave në Leposaviç, Zveçan dhe Zubin Potok.

Ftoj të gjithë qytetarët për ruajtje të qetësisë e në veçanti qytetarët tanë të etnisë serbe që të mos bëhen pjesë e organizimeve të grupeve kriminale në veri.Asgjë nuk mund t'i ndalë institucionet e Republikës së Kosovës për ofrim të sigurisë për qytetarët pa dallim e për sjellje para drejtësisë të të gjithë shkelësve të ligjit”, deklaroi ai./ CNA.al





14:54 TODAY

Pas DASH/ Yuri Kim

Pas një editoriali të gjatë, ku theksoi se korrupsioni cën...

09:30 TODAY

Sot,

Sot, mbi 10.000 nxënës nga e gjithë Shqipëria, do të m...

Lajmet e fundit nga