web counter
LEXO PA REKLAMA!

SHKARKO APP

App Store
Google Play

Shkrihen 180 shoqata biznesi/ Ibrahimaj: Do krijohet Dhoma Ekonomike Kombëtare

28 Janar 2024, 22:45, Ekonomi CNA
Shkrihen 180 shoqata biznesi/ Ibrahimaj: Do krijohet Dhoma Ekonomike
Ministrja e Sipërmarrjes, Delina Ibrahimaj

Rreth 180 shoqata dhe dhoma biznesi që lobojnë ndaj politikave të qeverisë do të shkrihen për të krijuar një Dhomë Ekonomike Kombëtare.

Ministrja e Sipërmarrjes, Delina Ibrahimaj, tha këtë të dielë se arsyeja e shkrirjes së shoqatave është sepse ato përfaqësojnë vetëm 10% të biznese në vend.

“Ka një mungesë të theksuar përfaqësimi. Në eksperiencën time si në Ministrinë e Financave edhe në Ministrinë e Sipërmarrjes është shumë e vështirë të evidentosh kush përfaqëson një sektor të caktuar. Sipas të dhënave vetëm 10% e bizneseve janë të organizuar në dhoma, pjesa tjetër është e papërfaqësuar”, u shpreh ajo në emisionin “E-zone”.

Ibrahimaj tha se anëtarësimi në Dhomën Ekonomike Kombëtare do të jetë me detyrim, ndërsa theksoi se do të jetë me pagesë.

“Në radhë të parë biznesi i vogël do të ketë një pagesë simbolike, nuk është vendosur ende se sa do të paguajnë pasi jemi në diskutime. Nuk do të perceptohet si taksë, sepse do të jetë simbolike. Sa i përket biznesit të madh, ne do marrim modelet e vendeve të tjera, ku një nga skenarët është pagesa në bazë të xhiros. Do përcaktohen disa tavane, të cilat nuk do të tejkalohen përsa i përket pagesës vjetore”, nënvizoi ministrja./ CNA





Lajmet e fundit nga