web counter
LEXO PA REKLAMA!

SHKARKO APP

App Store
Google Play

E fundit!

x

Ekonomia kreative/ Bashkia e Tiranës, memorandum bashkëpunimi me “British Council”

28 Janar 2024, 19:39, Ekonomi CNA

Ekonomia kreative/ Bashkia e Tiranës, memorandum bashkëpunimi me

Bashkia e Tiranës nënshkroi këtë të dielë një memorandum mirëkuptimi me “British Council”, për bashkipunimin në 3 vitet e ardshme për hartimin e një Strategjie Zhvillimi për ekonominë kreative.

Memorandumi u nënshkrua në ambientet e Piramidës, ku ishin të pranishëm ambasadori britanik, Alastair King-Smith, përfaqësues të Mbretërisë së Bashkuar dhe Ballkanit Perëndimor.

Kryetari i Bashkisë së Tiranës, Erion Veliaj deklaroi ndihet krenar për vendosjen e një marrëdhënie afatgjatë bashkëpunimi me “British Council”.

“Bashkia e Tiranës ka sërish buxhetin më të madh që ka pasur në histori. Çdo vit kemi më shumë se viti tjetër për industrinë rekreative, për art e kulturë, për teatër e për shumë prej jush organizohen eventet më fantastike në këtë qytet e mezi pres që të shtohen edhe të tjerë. Do doja që ky vit të ishte një vit stuhi idesh, se çfarë mund të bëjmë të gjithë bashkë për vitin tjetër, kur Tirana është Kryeqyteti Mesdhetar i Kulturës dhe Dialogut. Kur mendoj që numri i turistëve vjet ishte 10 milionë, imagjino sa do jetë sivjet. Si mund të përfshihen ata në jetën kulturore, si mund të shkëmbejmë energji dhe me të tjerë? Kjo do ishte diçka fantastike. Sot 25% e ekonomisë së Tiranës është turizmi, 25% janë punët e reja dixhitale, punët e reja që në fakt kanë buruar nga komuniteti kreativ. Unë besoj që nëse ne mund ta kthejmë Tiranën nga qyteti i këpucëve, në një qytet të turizmit dhe të dixhitalizimit, është vetëm çështje kohe që Tirana, siç ishte Kryeqytet i Rinisë e i Sportit, të jetë gjithashtu një qytet i punëve dixhitale e të së ardhmes”, deklaroi ai.

Nga ana tjetër, ambasadori britanik theksoi rëndësinë e Shqipërisë në Ballkanin Perëndimor dhe në Europë.

“Shumë ndryshime kanë ndodhur këtu në Shqipëri, në Tiranë, sa i takon zhvillimit ekonomik, infrastrukturës moderne, shoqërisë civile më aktive. Kjo piramidë në Tiranë po mbledh njerëz nga e gjithë bota përmes imagjinatës që ju keni sjellë dhe historisë suaj. Shqipëria tashmë ka një vend të rëndësishëm jo vetëm këtu, por në Ballkanin Perëndimor dhe në Europë dhe jam i sigurt se ne së bashku mund ta ndihmojmë Shqipërinë ta mbajë këtë vend”, tha ambasadori britanik./ CNA





Lajmet e fundit nga