web counter
LEXO PA REKLAMA!

SHKARKO APP

App Store
Google Play

E fundit!

x

Paundi britanik po mposht çdo monedhë tjetër kryesore këtë vit

6 Prill 2023, 07:45, Ekonomi CNA
Paundi britanik po mposht çdo monedhë tjetër kryesore
Foto ilustruese

Paundi britanik pësoi një rënie rekord vjeshtën e kaluar pasi investitorët u rebeluan kundër planeve buxhetore të ish-kryeministres Liz Truss.

Paundi, i cili ka avancuar me rreth 3.3% kundrejt monedhës së gjelbër që nga fillimi i 2023-shit, është monedha me performancën më të mirë këtë vit.

Monedha e Mbretërisë së Bashkuar është rritur nga indikacionet se ekonomia e vendit po qëndron më mirë sesa pritej. Aktiviteti tani mendohet të jetë zgjeruar me 0.1% në tre muajt e fundit të vitit të kaluar, nga një vlerësim i mëparshëm ku nuk kishte rritje. Rritja e prodhimit të brendshëm bruto në janar është vlerësuar në 0.3% pas rënies me 0.5% në dhjetor.

Kjo qëndrueshmëri po forcon pritshmëritë që Banka e Anglisë do të mbajë rritjen e normave të interesit, pavarësisht shqetësimeve për sektorin bankar global. Rritja e normave mund të nxisë monedhën vendase, sepse ato ndihmojnë në tërheqjen e investitorëve të huaj që kërkojnë të ardhura më të larta.

Inflacioni në Mbretërinë e Bashkuar ishte në një normë vjetore prej 10.4% në shkurt, duke nënvizuar nevojën që Banka e Anglisë të ruajë qasjen e saj.

Kthimi i paundit

Paundi pësoi rënie afër 1.03 dollarë në shtator të viti 2022 pasi qeveria Truss zbuloi planet për të rritur huamarrjen duke ulur taksat, duke shkaktuar panik në tregjet financiare që nxiti frikën e një recesioni në Mbretërinë e Bashkuar.

Fondi Monetar Ndërkombëtar parashikoi në janar se ekonomia e Mbretërisë së Bashkuar do të tkurret me 0.6% këtë vit, ndërsa të gjitha ekonomitë e tjera të përparuara do të rriteshin, qoftë edhe pak.

Por, tërheqja e çmimeve të energjisë dhe rihapja e Kinës kanë dhënë njëfarë lehtësimi për perspektivën ekonomike që nga fillimi i vitit./ CNA.al





Lajmet e fundit nga