web counter
LEXO PA REKLAMA!

SHKARKO APP

App Store
Google Play

Ndryshime në buxhetin 2025/ Skemë e re e garancisë sovrane për bujqësinë, rreth 3 miliardë lekë

13 Qershor 2025, 11:20, Ekonomi CNA

Ndryshime në buxhetin 2025/ Skemë e re e garancisë sovrane

Këshilli i Ministrave ka miratuar disa ndryshime në buxhetin e vitit 2025.

Në këtë akt normativ pas ndryshimeve, rialokohen 5.6 miliardë lekë kursime për të siguruar forcimin e sigurisë digjitale dhe mbështetjen e rritjes ekonomike të qëndrueshme.

Gjithashtu është miratuar një skemë e re e garancisë sovrane për bujqësinë, me vlerë rreth 3 miliardë lekë, me qëllim krijimin e kushteve për rritjen e kapaciteteve prodhuese.

 

Njoftimi i Ministrisë së Financave

 

Këshilli i Ministrave miratoi në mbledhjen e fundit Aktin Normativ për disa ndryshime në Buxhetin e vitit 2025.

Rishikimi vjen si nevojë për të garantuar përdorimin sa më efikas të fondeve publike që erdhi pas një analizë të kujdesshme që u bë në lidhje me performancën 5-mujore të ecurisë së zbatimit të projekteve, si dhe të vlerësimit të pritshmërive për realizimin e mëtejshëm të tyre.

Volumi i fondeve të përgjithshme që parashikohen të alokohen apo të rialokohen llogaritet në rreth 11.8 milardë lekë dhe fokusi do të jetë në mbështetjen e sektorëve prioritarë, por edhe në nxitjen e mëtejshme të investimeve publike.

Më konkretisht, përmes këtij Akti Normativ parashikohet:

Rialokim të kursimeve të evidentuara në masën 5.6 miliardë lekë me qëllim për të siguruar forcimin e sigurisë digjitale dhe mbështetjen e rritjes ekonomike të qëndrueshme, përmes përmirësimit të infrastrukturës kombëtare.

Miratimin e një skeme të re të Garancie Sovrane për sektorin e Bujqësisë, me një vlerë rreth 3 miliardë lekë, me qëllim rritjen e aksesit në financë kryesisht për Ndërmarrjet e Vogla dhe të Mesme, por edhe krijimin e kushteve për rritjen e kapaciteteve prodhuese dhe konkurrueshmërisë.

Rishpëndarjen e disa fondeve të brendshme, në kuadër të përmirësimeve në teknologjinë e informacionit në administratën publike.

Pavarësisht këtij rishikimi, një element i rëndësishëm për t’u theksuar është se deficiti buxhetor mbetet i pandryshueshëm, në nivelin rreth 68.1 miliardë lekë dhe si rrjedhim edhe borxhi publik nuk ndryshon.

Ministria e Financave do të vijojë të sigurojë konsolidimin fiskal, qëndrueshmërinë e financave publike, si dhe stabilitetin makroekonomik në tërësi.





22:52 Ekonomi

Mbingarkimi me taksa

Është e vështirë të ndiesh keqardhje për dikë që mburret m...

Lajmet e fundit nga