web counter
LEXO PA REKLAMA!

SHKARKO APP

App Store
Google Play

E fundit!

x

Guvernatori Gent Sejko: Tensionet gjeopolitike, rrezik për inflacion më të lartë

17 Dhjetor 2025, 16:16, Ekonomi CNA

Guvernatori Gent Sejko: Tensionet gjeopolitike, rrezik për inflacion

Guvernatori i Bankës së Shqipërisë, Gent Sejko, deklaroi se parashikimet për zhvillimet ekonomike në vend mbeten pozitive, megjithëse rritja e tensioneve gjeopolitike përbën një rrezik të mundshëm për rritjen e inflacionit.

Sipas Sejkos, aktiviteti ekonomik pritet të vijojë rritjen, i mbështetur nga gjendja e qëndrueshme e sektorit privat dhe zgjerimi i kreditimit. Këta faktorë do të ndikojnë pozitivisht edhe në tregun e punës, me rritje të punësimit dhe të pagave.

Guvernatori theksoi se inflacioni parashikohet të kthehet në objektivin e Bankës së Shqipërisë prej 3% në tremujorin e parë të vitit 2026. Megjithatë, ai paralajmëroi se zhvillimet e pafavorshme në arenën ndërkombëtare dhe përshkallëzimi i tensioneve gjeopolitike mund të sjellin presione shtesë inflacioniste.

“Parashikimet për të ardhmen mbeten pozitive. Aktiviteti ekonomik pritet të rritet. Rritja do mbështetet nga gjendja e qëndrueshme e sektorit privat, zgjerimi i kredisë. Rritja ekonomike do të rritet me rritje të punësimit dhe të pagave. Inflacioni do të kthehet në synimin e mëparshëm në 3% në tremujorin e parë të vitit 2026. Rritja e tensioneve gjeopolitike mund të shkaktojë inflacion më të lartë”, tha Sejko./ CNA





Lajmet e fundit nga