web counter
LEXO PA REKLAMA!

SHKARKO APP

App Store
Google Play

E fundit!

x

Masakroi gruan për rimodelim barku/ Spitalit “Sante Plus” i vihet shiriti

13 Tetor 2022, 23:12, Denoncim CNA

Masakroi gruan për rimodelim barku/ Spitalit “Sante Plus” i

Në 7 shtator sollëm historinë e një zonje, që iu drejtua spitalit privat për rimodelimin e barkut, por rezultati ishte i tmerrshëm.

 

Zonja jeton prej 22 vitesh jashtë Shqipërisë dhe vendosi që për 1900 euro të kthente barkun, që kishte pasur para lindjeve, në këtë spital në Tiranë. Pas ndërhyrjes zonja tha, se nuk i vunë kateter e nuk mund të shkarkohej.

Për pasojë u fry dhe e çuan në QSUT për ndihmë më të specializuar. Në “Sante Plus” zonja shkoi dhe 5 herë të tjera, për ndërhyrje. Herën e pestë i hoqën edhe kërthizën.

Në vendin ku jeton, i duhet të bëjë sërish ndërhyrje dhe të riparojë edhe kërthizën. Inspektorati Shtetëror Shëndetësor, fillimisht e gjobiti me 500 mijë lekë spitalin “Sante Plus”, ndërsa më 12 tetor i vuri shiritin e mbylljes.

Drejtuesit tentuan ta hapin sërish institucionin.

Gazetarja: E dashur nuk të kushton asgjë të më dalësh dhe të më thuash pse keni prekur shenjat e Inspektoratit Shtetëror Shëndetësor.  

Por inspektorati Shëndetësor i rivuri shiritin sërish sot (13 tetor).

Gazetarja: Duke qenë se janë prekur shenjat e vendosura nga ju ditën e djeshme, pra nga një grup pune ditën e djeshme, sot situata është një ditë normale në këtë spital, si procedohet në këto raste?

Inspektorja: Në këtë rast do vendosen shenjat përsëri dhe do merret masa administrative ndaj subjektit.

Në rast se do të ketë ripërsëritje të prekjes së shenjave nga ISHSH ndaj spitalit do të ketë një kallëzim penal.

“Urojmë që të gjithë shqiptarët ta kenë marrë vesh dhe ta kuptojnë që ky spital do të qëndrojë i mbyllur deri në momentin që do të plotësojë të gjitha kushtet e përcaktuara nga ISHSH”, tha gazetarja e “Stop”./tvklan.al





Lajmet e fundit nga